Баланс

Справка о дебиторской и кредиторской задолженностях (Отправка)

Очеты по внебюджетным счетам

Отчет об исполнении сметы расходов 100021860274017033602009001

Тошкент вилоят адлия органлари томонидан 2020 йил давомида амалга оширилган ишлар тўғрисида
М А Ъ Л У М О Т

       Тошкент вилоят адлия бошқармаси ва унинг тизимидаги туман (шаҳар) адлия бўлимлари томонидан ҳисобот даврида вилоятда давлат ҳуқуқий сиёсатини амалга ошириш, шу жумладан давлат органлари ва ташкилотлари тизимида изчил ва бир хил ҳуқуқни қўллаш амалиётини шакллантириш, уларнинг юридик хизматларини мувофиқлаштириш, инсон ҳуқуқ
ва эркинликларининг самарали ҳимоя қилинишини таъминлаш, аҳолининг ҳуқуқий маданиятини ошириш борасида муайян ишлар амалга оширилди.

     Хусусан, ҳисобот даврида Бошқарма ва туман (шаҳар) адлия бўлимларига келиб тушган 9778 та мурожаатларнинг 8769 таси ёки 89,6 % ҳал қилиниши, шу жумладан 5838 таси (ҳал қилингандан 66,5%) қаноатлантирилиши ва 2931 таси бўйича ҳуқуқий тушунтириш берилиши таъминланди.

    Ўтказилган 614 та мониторинг ва 174 та ўрганишларда аниқланган жами 33390 та қонун бузилиши ҳолатларини бартараф қилиш бўйича тегишли ташкилотларга 1420 та тақдимнома, судларга жами 31,1 млрд. сўмлик 1420 та даъво аризалари киритилиши ҳамда ҳуқуқбузарларга нисбатан расмийлаштирилган 445 та, шу жумладан бевосита адлия органлари томонидан расмийлаштирилган 229 та маъмурий баённомалар тегишли судларга киритилиши таъминланди.

     Киритилган тақдимномаларга мувофиқ ноқонуний ундирилган 4 млрд. сўм маблағларнинг қайтарилиши, 22,3 млрд. сўмлик 1435 та даъво аризаларининг қаноатлантирилиши, 221 та ноқонуний қарорларни бекор қилиниши, 749 нафар айбдор шахсларнинг интизомий жавобгарликка тортилиши, шу жумладан 48 нафари билан меҳнат шартномаларини бекор қилиниши таъминланди.