Янгиликлар
Kimlar imtiyoz asosida oʻqishga qabul qilinadi
Kimlar imtiyoz asosida oʻqishga qabul qilinadi
Imtihonsiz, qoʻshimcha grant asosida talaba boʻluvchilar:
• harbiy qism qoʻmondonligi va Yoshlar ittifoqining tavsiyanomasi bilan har bir harbiy qismdan bir nafardan yosh harbiy xizmatchi;
• xizmat vazifasini bajarish payti halok boʻlgan yoki nogiron boʻlib qolgan Qurolli Kuchlar tarkibidagi tashkilotlar harbiy xizmatchilari va Milliy gvardiya xodimlari, ichki ishlar tizimi xodimlarining farzandlari;
• Olimpiya, Paraolimpiya, Osiyo va Paraosiyo oʻyinlari, jahon chempionatlarida oxirgi 3 yilda gʻolib boʻlgan sportchilar;
• Zulfiya mukofoti, “Mard oʻgʻlon” mukofoti sovrindorlari;
• “Nihol” mukofoti sohiblari;
• Madaniyat vazirligining “Xalq cholgʻulari ijrochilari”, “Milliy raqs ijrochilari” va “Yosh maqom ijrochilari” tanlovining bir nafardan gʻoliblari;
• “Tarbiyachi”, “Hamshira” respublika tanlovi gʻoliblari;
• Yoshlar ittifoqi faollari tavsiyanoma asosida hududiy OTMlarning pedagogika yoʻnalishlariga grantga kiradiganlar;
• xalqaro fan olimpiadalari gʻoliblari;
• Prezident maktabi bitiruvchilari.
Imtihonsiz, kontrakt asosida oʻqishga qabul qilinadiganlar:
• Prezident taʼlim muassasalari agentligi tizimidagi ixtisoslashgan maktab bitiruvchilari kimyo, biologiya, fizika va AKT sohalariga qabul qilinadi;
• Prezident taʼlim muassasalari agentligi tizimidagi ijod maktablari bitiruvchilari.
Faqat bir fan imtihonidan ozod etib, ball beruvchi imtiyozlar:
• respublika fan olimpiadalarining 1-3-oʻrin sohiblariga gʻolib boʻlgan fani boʻyicha maksimal ball beriladi;
• chet tili boʻyicha belgilangan darajadagi xalqaro va milliy sertifikatga ega abituriyentlar uchun shu fandan maksimal ball beriladi;
• tasviriy, amaliy sanʼat va dizayn yoʻnalishi boʻyicha respublika va xalqaro tanlovlar gʻoliblari mutaxassislik fanidan maksimal ball oladi;
• “Bolalar sport oʻyinlari”ning gʻoliblariga belgilangan fan boʻyicha maksimal ball beriladi;
• umumtaʼlim fanlari boʻyicha sertifikatga ega abituriyentlarga sertifikatdagi baliga mos proporsional ball beriladi.
Oqqoʻrgʻon tumani Adliya boʻlimi
YUXKM boshligʻi A.O. Boboyorov