Янгиликлар

Маънавият соати: санъаткор билан учрашув

Тошкент вилояти адлия бошқармаситомонидан мунтазам равишда ҳар ҳафтанинг пайшанба куни ҳуқуқий маърифат ўқув машғулотлари ўтказилиб келинмоқда. Ушбу ўқув машғулотларида ҳуқуқни муҳофаза қилувчи органларда ҳамда иқтисодиёт, таълим, ижтимоий йўналишларда фаолият юритаётган малакали мутахассислар, олимлар ҳамда санъат вакиллари иштирок этиб келмоқдалар.

Худди шундай машғулотлардан бири жорий йил 23 июнь куни ўтказилиб, машғулотга Ўзбек Миллий академик драма театри актрисалари, Ўзбекистон халқ артисти Тўти Юсупова ҳамда Ўзбекистон Республикасида хизмат кўрсатган артист Раъно Ярашевалар иштирок этдилар.

Машғулот давомида меҳмонлар томонидан адлия бошқармаси ходимларига мамлакатимиз театр санъати тарихи, мустақиллик йилларида ушбу соҳада амалга оширилган сўнгги янгиликлар ҳақида батафсил маълумотлар ҳамда ходимларни қизиқтирган саволларга атрофлича жавоблар берилди.