Янгиликлар
10
Она ва бола саломатлиги – келажак пойдевори
Тошкент вилояти адлия бошқармаси томонидан Хотин-қизлар кўмитаси, Соғлиқни сақлаш бошқармаси билан биргаликда “Она ва бола саломатлиги – келажак пойдевори” мавзусида амалий семинар ўтказилди.
Тадбирни адлия бошқармаси бошлиғи Л.Мусашайхов ва вилоят ҳокимининг ўринбосари, Хотин-қизлар қўмитаси раиси С.Файзиев олиб бориб, туман ва шаҳар ФҲДЁ бўлимларининг мудиралари, тиббиёт бирлашмалари раҳбарлари иштирок этди.
Семинарда она ва бола саломатлигини таъминлаш, оила мустаҳкамлигини таъминлаш, ёш никоҳланувчиларга тиббий кўрикдан ўтишнинг мажбурийлиги масалалари муҳокама қилинди.
Бундан ташқари, тадбир давомида иштирокчилар томонидан ФҲДЁ органлари билан тиббиёт бирлашмалари ва бошқа шифохоналар билан ўзаро ҳамкорликни янада мустаҳкамлаш, фаолият давомида амалиётда мавжуд муаммоларнинг ечими масалаларига алоҳида эътибор қаратилди.
Шу билан бирга, семинар давомида бу борада ҳамкорликда амалга ошириладиган ишларнинг тарғиботини кенг олиб бориш мақсадида чекка ҳудудларда, маҳаллаларда аҳоли, ёшлар, айниқса никоҳланувчи ёшлар ўртасида учрашувлар ўтказиб борилишига келишиб олинди.