Янгиликлар
29
Кимларга боқувчининг қарамоғида турган-турмаганидан қатъи назар боқувчисини йўқотганлик пенсияси тайинланади?
Кимларга боқувчининг қарамоғида турган-турмаганидан қатъи назар боқувчисини йўқотганлик пенсияси тайинланади?
Қонунчиликка кўра (https://www.lex.uz/acts/112314), вафот этган боқувчининг қарамоғида бўлган меҳнатга қобилиятсиз оила аъзолари боқувчисини йўқотганлик пенсияси олиш ҳуқуқига эга бўлади.
Бунда қуйидагиларга пенсия улар боқувчининг қарамоғида турган-турмаганидан қатъи назар тайинланади:
фарзандларга;
ёшидан ва меҳнат қобилиятидан қатъи назар, ота ва онадан бири ёки эр (хотин) ёхуд бува, буви, ака-ука ёки опа-сингил, агар у вафот этган боқувчининг болалари, ака-укалари, опа-сингиллари ёки набираларини, ишловчиларга болага қараш учун иш ҳақи сақланмаган таътилда бўлиш ҳуқуқини берадиган ёшга тўлгунга қадар боқиш билан машғул бўлса ва ишламаса.
Марҳумнинг қарамоғида турмаган ота-онаси ва эри (хотини) ҳам, кейинчалик кун кечириш учун зарур маблағ манбаидан маҳрум бўлиб қолсалар, пенсия олиш ҳуқуқига эга бўладилар.