Янгиликлар
17
“Истиқболли инвестиция лойиҳаларини ишлаб чиқиш тартибини такомиллаштиришга доир қўшимча чора-тадбирлар тўғрисида”ги Ҳуқумат қарори (445-сонли, 16.07.2020 й.) қабул қилинди.
“Истиқболли инвестиция лойиҳаларини ишлаб чиқиш тартибини такомиллаштиришга доир қўшимча чора-тадбирлар тўғрисида”ги Ҳуқумат қарори (445-сонли, 16.07.2020 й.) қабул қилинди.
Қарорга мувофиқ, “УорлиПарсонс Ўзбекистон инжиниринг” МЧЖ ҚК устав фондидаги “ЎзИнжиниринг” Республика лойиҳа институти ва “ЎзЛИТИнефтегаз” АЖнинг улушлари Инвестиция ва ташқи савдо вазирлиги ҳузуридаги Инвестиция лойиҳаларини ишлаб чиқиш марказига берилади.
Шунингдек, “УорлиПарсонс Ўзбекистон инжиниринг” МЧЖ ҚК устав фондида Инвестиция лойиҳаларини ишлаб чиқиш марказининг 0,1 фоиз улушини “Intecsea B.V.” (Нидерландия Қироллиги) компаниясига сотиш ҚК иштирокчиларининг умумий йиғилишида кўриб чиқилади.
Маълумот учун, “УорлиПарсонс Ўзбекистон инжиниринг” МЧЖ ҚК Ҳукумат қарори билан ташкил этилган бўлиб, корхонанинг асосий фаолият йўналишларидан бири илғор технологияларни ва етакчи хорижий инвесторларни жалб этиш асосида Ўзбекистон Республикасининг табиий ресурслари ва хом ашё базасини чуқур қайта ишлашга қаратилган янги лойиҳа ғояларини излаш ва ишлаб чиқиш ҳисобланади.