Янгиликлар
14
Сўраган_эдингиз
Адлияга савол:
Assalomu alekum.
Dekret tatil muddati tugagach birdan ishga chiqsa buladimi?
Derektor yoki zavuch bermaslikka uyda 1 yil utir deyishi mumkinmi?
Javobingiz uchun oldindan raxmat!
ЖАВОБ: Ассалому алайкум! Ҳурматли фуқаро.
Ўзбекистон Республикаси Меҳнат кодексининг (https://lex.uz/docs/142859) 234-моддаси 1-қисмига кўра, ҳомиладорлик ва туғиш таътили тугаганидан кейин аёлнинг хоҳишига кўра, унга боласи икки ёшга тўлгунга қадар болани парваришлаш учун таътил берилиб, бу даврда қонун ҳужжатларида белгиланган тартибда нафақа тўланади.
Шу модданинг 5-қисмига кўра эса, болани парваришлаш таътиллари даврида аёлнинг иш жойи (лавозими) сақланади.
Шунга асосан, бундай аёл ўз хоҳишига кўра ҳомиладорлик ва туғиш таътили тугагач, (яъни туққанидан кейин 56 кун, агар эгизак фарзанд кўрган бўлса, 70 кундан кейин) бола парвариши учун таътил олиши мумкин, иш берувчи бундай таътилни беришга мажбур. Худди шунингдек, истаган пайтда ишга тушиши, таътилдан қайтиши мумкин, иш берувчи унинг иш ўрнига кимни ишга олган бўлишидан қатъи назар, аёлга иш жойини бўшатиб бериши шарт.
Сизнинг вазиятингизда ҳам ишга чиқиши мумкин ва иш берувчиси уни ишини қайтариб бериши шарт. Чунки бу иш ўрни шу аёлга тегишли бўлган ва у билан ҳали меҳнат муносабатлари давом этиб келмоқда. Туғилган фарзанднинг ёши аҳамиятга эга эмас. Аёлга бола парвариши учун таътил олиш — бу ҳуқуқ. Мажбурият эмас. Истаган пайти бу ҳуқуқидан фойдаланишни тўхтатиши мумкин.
Агар иш берувчи бу ҳуқуқизни бузса, ишонч телефонларига, жумладан, Бандлик бош бошқармасига ёки Адлия вазирлигининг 1008 қисқа рақамига мурожаат қилинг, бузилган ҳуқуқингизни тезда тиклаб беришда амалий ёрдам беришади.
Савол ва мурожаатлар учун
@toshviladliya_bot