Янгиликлар

Bilasizmi

Ayrim xodimlarga vaqtincha mehnatga qobiliyatsizlik nafaqasi 100 foiz toʻlanadi

 Quyidagilarga vaqtincha mehnatga qobiliyatsizlik nafaqasi ish haqining 100 foizi miqdorida toʻlanadi (http://lex.uz/docs/357102#367479):

 -  ishlayotgan 1941 – 1945-yillardagi urush qatnashchilariga;

 -  baynalminal jangchilar va ularga tenglashtirilganlarga;

 -  qaramogʻida 16 yoshga (oʻquvchilar 18 yoshga) yetmagan 3 yoki undan ortiq bolalari borlarga;

 -  Chernobil AESdagi avariyani tugatishda qatnashganlarga;

 -  Chernobil AESdagi avariya natijasida radioaktiv ifloslanish zonasidan evakuatsiya qilingan va koʻchirilgan, oʻtkir leykoz, adenoma, rak va xavfli oʻsmali kasallikka chalinganlarga;

 -  mehnatda mayiblanish va kasb kasalligi natijasida vaqtincha mehnatga qobiliyatsiz boʻlganlarga.

  Boshqa xodimlarga quyidagi miqdorlarda toʻlanadi:

  ish staji 8 yil va undan koʻp xodimlarga va 21 yoshga yetmagan chin yetimlarga ish haqining 80 foizi miqdorida;

  ish staji 8 yilgacha xodimlarga ish haqining 60 foizi miqdorida.