Янгиликлар

Adliya xabari

Adliya vazirligi tomonidan joriy yil 15-maydan 15-iyunga qadar “Qoidalarga yoʻl ham boʻysunadi” shiori ostida yoʻl harakati xavfsizligi boʻyicha huquqiy savodxonlik oyligi eʼlon qilinadi.

Oylik doirasida:

* Yoʻl harakati ishtirokchilari huquqlari OAV va ijtimoiy tarmoqlarda keng yoritiladi;

* kurslar.huquqiyportal.uz platformasida yoʻl harakati qoidalari boʻyicha bepul onlayn oʻquv kurslari tashkil etiladi;

* “Huquqiy axborot minbari” rukni ostida mutaxassislar ishtirokida jonli efirlar tashkil qilinadi;

* Radioefirlarda sovrinli huquqiy viktorinalar oʻtkaziladi;

* “Bir qadam” nomi ostida ijtimoiy videoroliklar tanlovi eʼlon qilinadi;

* “Streyet law” loyihasi doirasida maktab oʻquvchilarida amaliy koʻnikmalar shakllantiriladi;

* Yoʻlovchilarga yoʻl harakatlarini sodda tushuntirish maqsadida sayyor qabullar uchun “Huquqiy taxi” xizmati yoʻlga qoʻyiladi;

* Sohaga doir boshqa tadbirlar tashkil etiladi.