Янгиликлар

06 октябр
2022

Qonunchilikda yangiliklar

Namangan toʻqimachilik sanoati instituti tashkil etildi

“Namangan toʻqimachilik sanoati institutini tashkil etish toʻgʻrisida”gi Prezident qarori (PQ–386-son, 05.10.2022-y.) qabul qilindi.

Qarorga koʻra, Institut toʻqimachilik sanoati tarmoqlari uchun mehnat bozorida raqobatbardosh, yuqori malakaga ega oliy maʼlumotli va ilmiy-pedagog kadrlar tayyorlaydi.

2024/2025 oʻquv yiliga qadar Institut huzurida toʻqimachilik texnoparki faoliyati yoʻlga qoʻyiladi.

2026/2027 oʻquv yiliga qadar Institutning kamida 2 ta bakalavriat taʼlim yoʻnalishi va 3 ta magistratura mutaxassisligi xalqaro tan olingan tashkilotlar akkreditatsiyasidan oʻtkaziladi.

Shuningdek, Institut tarkibida quyidagilar yuridik shaxs maqomisiz tashkil etiladi:

Ilgʻor toʻqimachilik muhandisligi maktabi;

Dizayn studiyasi;

Innovatsiyalar va texnologiyalar transferi markazi.

Institutda oʻqish quyidagi taʼlim yoʻnalishlari va mutaxassisiliklar boʻyicha tashkil etiladi:

Bakalavriat taʼlim yoʻnalishlari:

Toʻqimachilik muhandisligi;

Toʻqimachilik mashinalari muhandisligi;

Sanoat mahsulotlarini loyihalash va muhandislik ishi;

Toʻqimachilik kimyosi, boʻyash va pardozlash muhandisligi;

Tabiiy tolalarni dastlabki ishlash texnologiyasi;

Toʻqimachilik va yengil sanoat dizayni.

Magistratura mutaxassisliklari:

Toʻqimachilik muhandisligi;

Toʻqimachilik mahsulotlarini ishlab chiqarish texnologiyasi (mahsulot turlari boʻyicha);