Янгиликлар

Qonunchilikda yangiliklar

Pensiya olish huquqiga ega boʻladigan xodimlar roʻyxati tuziladi

Hukumat qarori bilan (592-son, 13.10.2022-y.) Davlat pensiyalarini tayinlash va toʻlash tartibi toʻgʻrisidagi nizom tasdiqlandi.

 Mazkur nizom davlat pensiyalarini tayinlash, pensiya imtiyozlarini qoʻllash, qayta hisoblash, tiklash, toʻlash, pensiyadan chegirma qilish, fuqarolarning pensiya va boshqa toʻlovlar bilan taʼminlashga doir masalalarini hal qilish tartibini belgilaydi.

 Tashkilotlar maʼmuriyati har yili dekabrda shaxsiy varaqchalar va mehnat daftarchalari asosida keyingi yilda ham umumiy, ham imtiyozli shartlarda pensiya olish huquqiga ega boʻladigan xodimlar roʻyxatini tuzadi.

 Fuqaro pensiya tayinlashni soʻrab pensiya olish huquqi paydo boʻlgan kundan boshlab istalgan vaqtda, biror muddat bilan cheklanmagan holda murojaat etish huquqiga ega.

 Pensiya tayinlash (qayta hisoblash) uchun zarur boʻlgan maʼlumotlar quyidagilardan olinganida Pensiya jamgʻarmasi boʻlimi pensiya tayinlash uchun mavjud maʼlumotlarni tekshirish toʻgʻrisida qaror qabul qilishiga yoʻl qoʻyilmaydi:

jamgʻarib boriladigan pensiya tizimidan;

pensiya jamgʻarmasiga oʻtkazilgan sugʻurta badallarini yakka tartibda hisobga olishning markazlashtirilgan elektron reestridan;

fuqarolar ish haqining yakka tartibdagi hisobini yuritishning markazlashtirilgan elektron reestridan;

yagona milliy mehnat tizimi idoralararo dasturiy-apparat kompleksi va boshqa vazirlik, idoralarning axborot tizimlaridan.

 Quyidagilarni tayinlashni soʻrab murojaat qilganda ilova qilinishi zarur boʻlgan hujjatlar va maʼlumotlar Yagona milliy mehnat tizimi idoralararo dasturiy-apparat kompleksida mavjud boʻlgan hollarda ilova qilinmaydi:

yoshga doir pensiya tayinlashni;

nogironlik pensiyasini tayinlashni;

boquvchisini yoʻqotganlik pensiyasini tayinlashni;

 Pensiya tayinlashni soʻrab murojaat qilgan shaxs zarur hujjatlarni taqdim etmagan taqdirda, Pensiya jamgʻarmasi boʻlimi ushbu hujjatlarni tegishli tashkilotlardan talab qilish yuzasidan yordam koʻrsatadi.