Янгиликлар

O’zini o’zi band qilgan shaxslar shug’ullanishi mumkin bo’lgan faoliyat turlari kengaytirildi

O’zini o’zi band qilgan shaxslar shug’ullanishi mumkin

bo’lgan faoliyat turlari kengaytirildi

Joriy yilning 30-avgust kuni Davlatimiz rahbari tomonidan “Norasmiy bandlik ulushini qisqartirish hamda mehnat resurslari balansini zamonaviy yondashuvlar asosida shakllantirish chora-tadbirlari to’g’risida”gi PQ-366-sonli Qarori qabul qilinib mazkur qarorda 2022-yil 1-noyabrdan boshlab yana 10 ta faoliyat turlari o’zini o’zi band qilgan shaxslar shug’ullanishi mumkin bo’lgan faoliyat turlari ro’yxatiga kiritilishi belgilab qo’yildi.

Ushbu faoliyat turlari quyidagilar:

-         Uy hayvonlari ( qoramol, qo’y, echki, ot va boshqalar) bozorlarida vositachilik xizmati

-         Avtomobil bozorlarida vositachilik xizmati

-         Rieltorlik xizmatini ko’rsatish (ijaraga uy topib berish, uy sotib olish va sotishga ko’maklashish

-         Uyda sut va sut mahsulotlarini qayta ishlash va sotish xizmati

-         Maishiy buyumlarni ijaraga berish xizmati (stol-stul, idish-tovoq, asbob-uskuna va boshqalar)

-         Gips va ganchdan buyumlar yasash (uy jihozlari, ertak qaxramonlari xaykallarini yasash)

-         Tosh va tosh mahsulotlaridan yodgorlik, suvenir va dekorativ buyumlar tayyorlash

-         Yog’och mahsulotlaridan savat, non mahsulotlari uchun maxsus idish va boshqa buyumlarni to’qish

-         Uy sharoitida pilla yetishtirish, shaxsiy tomorqa yer uchastkasida tut mevasi, niholi va ko’chatini yetishtirish, uyda ipak mato, ipak gilam to’qish va sotish

-         Kulolchilik

Yuqorida nomlari keltirib o’tilgan kasb egalari endilikda o’zini o’zi band qilgan fuqarolar deyiladi.

Ohangaron shahar yuridik xizmat

ko’rsatish markazi bosh yurist ko’nsulti                                               B.B.O’smonov