Янгиликлар

SPORTCHILARNI ISHDAN BO‘SHATISH QONUN BILAN TARTIBGA SOLINADI

SPORTCHILARNI ISHDAN BO‘SHATISH QONUN BILAN TARTIBGA SOLINADI

Yangi tahrirda qabul qilingan va qabul qilingan kundan 6 oy muddat o‘tgandan so‘ng kuchga kirishi belgilangan O‘zbekiston Respublikasi Mehnat kodeksida sportchi xodimlar bilan mehnat shartnomasini bekor qilishning alohida qo‘shimcha asoslari nazarda tutilmoqda.

Yangi Kodeksning 503-moddasiga 14-qismiga ko‘ra, sportchi bilan tuzilgan mehnat shartnomasini bekor qilish uchun MK va boshqa qonunlarda ko‘rsatilganidan tashqari quyidagilar ham asos bo‘lishi mumkin:

1) 6 oy va undan ko‘p muddatga sportdan chetlashtirilganda;

2) xalqaro dopingga qarshi tashkilotlar tasdiqlagan dopingga qarshi qoidalarning sportchi tomonidan buzilganda, shu jumladan bir marta buzilganda.

Misol tariqasida, futbol klubi futbolchisi mavjud tartib-qoidalarni qo‘pol buzsa va u sohaga oid qonun hujjatlar asosida 8 oyga futboldan chetlashtirilsa, futbol klubi tomonidan sportchi bilan tuzilgan shartnomasini yangi tahrirdagi Mehnat kodeksining   503-moddasi 14-qismi 1-bandiga asosan bekor qilinishi mumkin bo‘ladi.

          Bekobod shahar adliya bo‘limi

YUXKM bosh yuriskonsulti                                                                                      J.Norqo‘ziyev