Янгиликлар

IZMIR SHARTNOMASI RATIFIKATSIYA QILINDI

IZMIR SHARTNOMASI RATIFIKATSIYA QILINDI

Prezident 05.12.2022-yildagi “Izmir Shartnomasini (Izmir, 1996 yil 14-sentyabr) ratifikatsiya qilish haqida”gi OʻRQ-807-son Qonunni imzoladi. Qonun Qonunchilik palatasi tomonidan 8.11.2022-yilda qabul qilingan va Senat tomonidan 18.11.2022-yilda ma’qullangan.

Izmir Shartnomasi 1996-yil 14-sentyabrda 10 ta davlat tomonidan imzolangan edi:

·         Afgʻoniston;

·         Ozarbayjon;

·         Pokiston;

·         Qirgʻiziston;

·         Qozogʻiston;

·         Tojikiston;

·         Turkiya;

·         Turkmaniston;

·         Eron; 

·         Oʻzbekiston

va Iqtisodiy hamkorlik tashkilotining (IHT) ta’sis hujjati hisoblanadi.

Shartnomada Iqtisodiy hamkorlik tashkilotining tashkiliy tuzilmasi, uning maqsadlari va faoliyat tamoyillari, shuningdek moliyaviy masalalar va tashkilotda qarorlarni qabul qilish tartibi belgilangan.

Oʻzbekiston tomonidan Izmir Shartnomasining ratifikatsiya qilinishi Iqtisodiy hamkorlik tashkilotiga toʻlaqonli a’zo boʻlish uchun huquqiy asos yaratadi, shuningdek tashkilotga a’zo davlatlar bilan keng hamkorlik qilish imkonini beradi.

Oʻzbekistonning tashkilotda toʻlaqonli ishtirok etishi хorijiy investitsiyalar hajmini oshirish, transport-logistika yoʻlaklarini, shu jumladan tranzit yuklarni tashish uchun tariflarni birхillashtirish yoʻli bilan kengaytirish, shuningdek mamlakat hududlarining turistik jozibadorligini oshirish imkonini beradi.

Hujjat Qonun hujjatlari milliy bazasida e’lon qilingan va 06.12.2022-yildan kuchga kirgan.

Bo‘stonliq tuman adliya bo‘limi yetakchi maslahatchisi Farxod Abdixakimov