Янгиликлар

Yangi tahrirdagi mehnat kodeksini o`rganib borish

Yangi tahrirdagi mehnat kodeksini o`rganamiz

Yangi Mehnat kodeksining 11-moddasiga ko’ra, xodim bilan ish beruvchi oʼrtasidagi yakka tartibdagi mehnatga oid munosabatlarni haqiqatda tartibga soladigan fuqarolik-huquqiy xususiyatga ega shartnomalar tuzish taqiqlanadi.

Аgar shaxsiy mehnatdan foydalanish bilan bogʼliq boʼlgan munosabatlar fuqarolik-huquqiy xususiyatga ega shartnoma asosida yuzaga kelgan boʼlsa, biroq keyinchalik ushbu Kodeksda yoki boshqa qonunlarda belgilangan tartibda yakka tartibdagi mehnatga oid munosabatlar deb eʼtirof etilgan boʼlsa, bunday munosabatlarga nisbatan mehnat toʼgʼrisidagi qonunchilik va mehnat haqidagi boshqa huquqiy hujjatlar qoidalari qoʼllaniladi.

Shuningdek, Yangi Mehnat kodeksining 508-moddasiga ko’ra, xodim va yakka tartibdagi tadbirkor oʼrtasidagi mehnat shartnomasi 3 nusxada tuziladi, ulardan biri yakka tartibdagi tadbirkorda qoladi, ikkinchisi yollanma xodimga beriladi, uchinchisi esa yakka tartibdagi tadbirkorning soliq boʼyicha hisobga olish joyidagi davlat soliq xizmati organiga taqdim etiladi. Mehnat shartnomasining nusxasini davlat soliq xizmati organiga taqdim etish elektron shaklda ham amalga oshirilishi mumkin.

Yakka tartibdagi tadbirkor tomonidan yollanma xodimlarni ishga qabul qilish buyruq eʼlon qilmasdan amalga oshiriladi.

Yakka tartibdagi tadbirkorlarda ishlovchi xodimlarga mehnat daftarchalari yuritilmaydi.

Yangi Mehnat kodeksining 515-moddasiga ko’ra, uy ishchisi bilan mehnat shartnomasi 3 nusxada tuziladi, ulardan biri ish beruvchi boʼlgan jismoniy shaxsning yashash joyidagi davlat soliq xizmati organiga taqdim etiladi, ikkinchisi ish beruvchida qoladi, uchinchisi esa xodimga beriladi.

Uy ishchilarini ishga qabul qilish buyruq eʼlon qilinmasdan amalga oshiriladi.

Uy ishchilariga mehnat daftarchalari yuritilmaydi.

Bekobod shahar adliya bo`limi Yuridik xizmat ko`rsatish markazi bosh yuristkonsulti: F.R.Mamatov