Янгиликлар

Ishga qabul qilinayotgan 18 yoshga toʻlmagan shaxslarga dastlabki sinov belgilanmaydi.

Ishga qabul qilinayotgan 18 yoshga toʻlmagan shaxslarga dastlabki sinov belgilanmaydi.

Yangi Mehnat kodeksiga koʻra, quyidagilar ishga qabul qilinganda dastlabki sinov belgilanmaydi:

(https://lex.uz/docs/6257288#6260620)▫️ homilador ayol, 3 yoshga toʻlmagan bolasi bor ayol yoki 3 yoshga toʻlmagan bolani yolgʻiz oʻzi tarbiyalayotgan ota (vasiy);

zaxiraga qoʻyiladigan ish oʻrinlariga ishga joylashtirish uchun yuborilgan aholining ijtimoiy ehtiyojmand toifalaridan boʻlgan shaxslar;

davlat grantlari asosida oʻqigan va oliy taʼlim tashkilotini tamomlagan kundan eʼtiboran 3 oy ichida yoʻllanma boʻyicha olingan mutaxassisligiga doir ishga kirayotgan oliy taʼlim tashkilotlarining bitiruvchilari;

tegishli taʼlim tashkilotini tamomlagan kundan eʼtiboran 1 yil ichida birinchi bor ishga kirayotganda olingan mutaxassisligi boʻyicha mustaqil ravishda ishga joylashayotgan umumiy oʻrta, oʻrta maxsus, professional va oliy taʼlim tashkilotlarining bitiruvchilari;

oʻzi bilan 6 oygacha muddatga mehnat shartnomasi tuzilayotgan xodimlar;

18 yoshga toʻlmagan shaxslar;

ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar boʻyicha bekor qilgan boʻlsa, oʻsha shaxslar;

ishlab chiqarishda oʻqitish shartnomasi boʻyicha ushbu ish beruvchida oʻqishni oʻtagan oʻquvchilar;

jamoa kelishuvlarida, shuningdek jamoa shartnomasida va ish beruvchining ichki hujjatlarida nazarda tutilgan boshqa xodimlar.

Parkent tuman adliya boʻlimi yuridik

hizmat koʻrsatish markazi boshigʻi                                          S.Xasanboyev