Янгиликлар

O‘zbekiston Respublikasi Prezidenti tomonidan 03.11.2022 yilda “Standartlashtirish to‘g‘risida”gi O‘RQ–800-sonli Qonuni imzolandi

O‘zbekiston Respublikasi Prezidenti tomonidan 03.11.2022 yilda “Standartlashtirish to‘g‘risida”gi O‘RQ–800-sonli Qonuni imzolandi

Mazkur Qonunga ko‘ra, O‘zbekistonning milliy standartlashtirish tizimini quyidagilar tashkil etadi:

-Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi;

-Standartlashtirish bo‘yicha milliy organ;

-davlat va xo‘jalik boshqaruvi organlari;

-standartlashtirish bo‘yicha texnik qo‘mitalar.

Standartlashtirishning asosiy vazifalaridan biri fuqarolarning hayotini, sog‘lig‘ini va mol-mulkini hamda atrof-muhitni muhofaza qilishdan iborat.

Standartlashtirish rejasi quyidagi muddatli istiqbol uchun qabul qilinishi mumkin:

-qisqa (1 yilgacha);

-o‘rta (1 yildan 5 yilgacha);

-uzoq (5 yildan 10 yilgacha).

Standartlarning yagona axborot bazasi Standartlashtirish bo‘yicha milliy organ tomonidan shakllantiriladi va yuritiladi.

Standartlarning toifalari jumlasiga quyidagilar kiradi:

- milliy standartlar;

- xalqaro (mintaqaviy) standartlar;

- xorijiy mamlakatlarning standartlari.

Qonun rasmiy e’lon qilingan kundan e’tiboran 12 oy o‘tgach kuchga kiradi.

Parkent tumani adliya

bo‘limi yetakchi maslahatchisi                                     M.Mirxomidov