Янгиликлар
Boquvchining vafot etganligi munosabati bilan zararni ish beruvchi tomonidan to‘lash majburiyati
Boquvchining vafot etganligi munosabati bilan zararni ish beruvchi tomonidan to‘lash majburiyati
Xodim mehnatda mayib bo‘lishi, kasb kasalligi yoki mehnat vazifalarini bajarish bilan bog‘liq holda sog‘lig‘iga boshqacha tarzda shikast yetishi sababli vafot etgan hollarda, ish beruvchi marhumning qaramog‘ida bo‘lgan mehnatga qobiliyatsiz shaxslarga, shuningdek o‘n olti yoshga to‘lmagan yoki u vafot etgan kunga qadar undan ta’minot olish huquqiga ega bo‘lgan shaxslarga, marhumning vafotidan keyin tug‘ilgan farzandiga, shuningdek ota-onasidan biriga, umr yo‘ldoshiga yoki oilaning boshqa a’zosiga, agar u ishlamasdan marhumning uch yoshga yetmagan bolalari (ukalari, singillari) yoki nevaralarining parvarishi bilan band bo‘lsa, zararni to‘lashi shart.
Qaramoqda bo‘lish farazan olinadi va buning uchun dalil talab etilmaydi.
Quyidagilar mehnatga qobiliyatsiz deb hisoblanadi:
o‘n olti yoshdan katta shaxslar, agar ular shu yoshga to‘lgunga qadar nogironligi bo‘lgan shaxs bo‘lib qolgan bo‘lsalar;
oltmish yoshga to‘lgan erkaklar va ellik besh yoshga to‘lgan ayollar;
nogironligi bo‘lgan shaxs.
Oila a’zosining mehnatga qobiliyatsizligi boshlangan vaqt (boquvchining vafotiga qadar yoki undan keyin) uning zararni undirishga bo‘lgan huquqiga ta’sir etmaydi.
O‘n olti yoshdagi va undan katta o‘quvchilar, o‘quv yurtlarining kunduzgi bo‘limlarida o‘qishni tugatgunlarigacha, lekin o‘n sakkiz yoshga qadar bo‘lgan davrda, zararni undirish huquqiga egadirlar.
Olmaliq shahar FHDY bo’limi mudirasi
M.Axmedova