Янгиликлар

Faxriy donorlarga beriladigan mukofot puli koʼpaytiriladi

Faxriy donorlarga beriladigan mukofot puli koʼpaytiriladi

“Oʼzbekiston Respublikasi faxriy donori” koʼkrak nishoni bilan taqdirlangan shaxslarga bir yoʼla beriladigan pul mukofoti summasi BHMning 5 baravaridan 15 baravarigacha (1,5 mlndan 4,5 mln soʼmgacha) oshiriladi.

Shuningdek, koʼkrak nishoni bilan taqdirlangan shaxslarga quyidagi huquqlar beriladi:

ular uchun qulay boʼlgan vaqtda yillik asosiy mehnat taʼtiliga chiqish;

shahar jamoat transportining barcha turlaridan (yoʼnalishli va yoʼnalishsiz taksilardan tashqari) bepul foydalanish;

▫️davlat sanatoriy-kurortlarida davolanish uchun yoʼllanmalarni navbatsiz olish;

???? doimiy (yiliga kamida 3 marta qon topshiruvchi) donorlar va ularning yaqin qarindoshlari (ota-onalari, turmush oʼrtogʼi, farzandlari, aka-uka va opa-singillari, turmush oʼrtogʼining ota-onalari) statsionar davolanish jarayonida, zarurat tugʼilganda, qon va uning tarkibiy qismlari bilan bepul taʼminlanadi;

???? donorlarni bepul ovqat bilan taʼminlash boʼyicha xarajatlarning qiymati respublika boʼyicha bir xil — mehnatga haq toʼlash eng kam miqdorining 3 foizi (27 ming 600 soʼm) miqdorida belgilanadi;

???? immun donorlarga oʼtkazilgan immunizatsiya va topshirilgan plazmasi uchun haq toʼlash miqdori mehnatga haq toʼlash eng kam miqdorining oshirilishi darajasi doirasida mutanosib ravishda indeksatsiya qilib boriladi;

????shoshilinch holatlarda donor qonining tarkibiy qismlarini tashish uchun tez tibbiy yordam xizmatidan foydalanishga ruxsat beriladi.

Bekobod shahar adliya bo`limi Yuridik xizmat ko`rsatish markazi bosh yuristkonsulti: F.R.Mamatov