Янгиликлар
Davlat xizmatlarini koʻrsatish sohasida yangilik va yengillik Davlat xizmatlaridan masofadan foydalanish, yaʼni onlayn foydalanish uchun eng muhim narsa bu – shaxsni identifikatsiya qilishdir.
Davlat xizmatlarini koʻrsatish sohasida yangilik va yengillik
Davlat xizmatlaridan masofadan foydalanish, yaʼni onlayn foydalanish uchun eng muhim narsa bu – shaxsni identifikatsiya qilishdir.
Ana shunday identifikatsiya vositasi boʻlib koʻp yillar davomida elektron raqamli imzo kaliti hisoblangan.
Elektron raqamli imzo kaliti (ERI) kalitining asosiy kamchiliklaridan biri shunda ediki – ushbu kalit orqali mobil qurilmalar smartfonlar orqali onlayn xizmatdan foydalanish murakkab edi.
Ana shu maqsadda hamda hozirgi rivojlanayotgan hayot tarzi kompyuterdan koʻra, koʻproq mobil telefonlardan foydalanish ommalashayotganini inobatga olib, davlat xizmatlaridan aynan mobil qurilmalar va telefonlar orqali keng foydalanishni yoʻlga qoʻyish maqsadida Mobil-ID tizimi joriy qilindi.
– OneID tizimi orqali davlat organlari va tashkilotlarining portal va axborot tizimlariga kirishda foydalanuvchilarning shaxsini tasdiqlash (autentifikatsiya qilish);
– Mobil-ID tizimidan foydalanayotgan foydalanuvchining haqiqiyligini tasdiqlash (verifikatsiya qilish);
– elektron davlat xizmatlaridan foydalanish boʻyicha berilgan arizalarni tasdiqlash;
– foydalanuvchi oʻzining shaxsiga doir maʼlumotlarni davlat organlari va tashkilotlari “Elektron hukumat” tizimi orqali olganda bu haqida xabarnomalar qabul qilish kabilar shular jumlasidandir.
Mobil-ID tizimida qanday roʻyxatdan oʻtiladi?
Tushunarli boʻlishi uchun shuni maʼlum qilamizki, Mobil-ID tizimi shaxsni uning – mobil telefon raqami orqali identifikatsiyalashni nazarda tutadi.
Mobil-ID tizimidan roʻyxatdan oʻtish juda oson. Buning uchun siz bir marotaba shaxsingizni tasdiqlovchi hujjat bilan respublikada mavjud davlat xizmatlari markazlari yoki notariuslarga tashrif buyurishingiz kifoya, bunda:
– davlat xizmatlari markazi operatori yoki notariusga shaxsingizni tasdiqlovchi hujjatni taqdim etasiz va mobil raqamingizni maʼlum qilasiz;
– operator yoki notarius tizim orqali sizni “one.id” tizimi orqali roʻyxatga oʻtganligingizni tekshiradi va roʻyxatdan oʻtmagan boʻlsangiz roʻyxatdan oʻtkazadi;
– tizim orqali biometrik maʼlumotlaringiz tasdiqlanadi;
– telefon raqamingizga tasdiqlovchi kod yuboriladi va kod tizimga kiritiladi.
Piskent tumanu Adliya boʻlimi DXM
Bosh mutaxasisi X.Musayeva