Янгиликлар

OILAVIY TADBIRKORLIKNI RIVOJLANTIRISH BOʻYICHA QOʻSHIMCHA CHORA-TADBIRLAR BELGILANDI

OILAVIY TADBIRKORLIKNI RIVOJLANTIRISH BOʻYICHA QOʻSHIMCHA CHORA-TADBIRLAR BELGILANDI

Oʻzbekiston Respublikasi Prezidentining “Oilaviy tadbirkorlikni rivojlantirish dasturlari doirasida aholining biznes tashabbuslarini qoʻllab-quvvatlashni yangi bosqichga olib chiqishga doir qoʻshimcha chora-tadbirlar toʻgʻrisida”gi Qarori (PQ-39, 31.01.2023y) qabul qilindi.

Unga koʻra:

- 2023-yilda oilaviy tadbirkorlikni rivojlantirish dasturlari doirasidagi loyihalarni moliyalashtirish uchun kamida 13 trillion soʻm yoʻnaltiriladi;

- kreditlar ustuvor ravishda dasturlar boʻyicha avval kreditlardan foydalanmagan aholi va tadbirkorlik subyektlariga ajratiladi;

- dehqon xoʻjaliklari va kichik tadbirkorlik subyektlariga 50 mln.soʻmgacha garovsiz kredit beriladi;

- hokim yordamchisining tavsiyasiga koʻra kredit summasining 10 mln.soʻmgacha boʻlgan qismi (hunarmandlar uchun 20 mln.soʻmgacha) bank kartalariga (naqdlashtirish imkoniyatini cheklagan holda) oʻtkazib beriladi;

- dasturlar doirasida kreditlarni yillik 14 foiz stavkada ajratish tartibi saqlab qolinadi.

Chinoz tumani adliya boʻlimi Inson huquqlarini himoya qilish va huquqni qoʻllash amaliyotini oʻrganish boʻlinmasi yetakchi mutaxassisi

Ennazarov Maqsud Abdiraxmatovich