Янгиликлар

Mehnat huquqlarini sud orqali himoya qilish

Mehnat huquqlarini sud orqali himoya qilish

Mehnat huquqlaringiz buzildimi vaqtni o‘tkazmay sudga murojaat qilishni xarakatini qiling sababi mehnat qonunchiligida sudga murojdaat qilishning da’vo muddatlari juda qisqa.

Mehnat kodeksining 560-moddasida yakka tartibdagi mehnat nizosini hal qilishni so‘rab murojaat etish muddatlari keltirilgan bo‘lib unga ko‘ra,

Sudga yoki mehnat nizolari komissiyasiga murojaat etish uchun quyidagi muddatlar belgilanadi:

- ishga tiklash to‘g‘risidagi nizolar bo‘yicha — xodimga u bilan mehnat shartnomasi bekor qilinganligi haqidagi ish beruvchi buyrug‘ining ko‘chirma nusxasi topshirilgan kundan e’tiboran uch oy;

- xodim tomonidan ish beruvchiga yetkazilgan moddiy zararning o‘rnini qoplash to‘g‘risidagi nizolar bo‘yicha — ish beruvchi zarar yetkazilganligini aniqlagan kundan e’tiboran bir yil;

- boshqa mehnat nizolari bo‘yicha — xodim o‘zining huquqi buzilganligi to‘g‘risida bilgan yoki bilishi kerak bo‘lgan kundan e’tiboran olti oy.

Xodimning hayotiga va sog‘lig‘iga yetkazilgan ziyonning o‘rnini qoplash to‘g‘risidagi nizolar bo‘yicha, shuningdek xodimga yetkazilgan ma’naviy ziyonni kompensatsiya qilish haqidagi nizolar bo‘yicha sudga murojaat etish muddati belgilanmaydi.

Yakka tartibdagi mehnat nizolarini ko‘rib chiqish bo‘yicha sudga murojaat etish muddatining o‘tishi yakka tartibdagi mehnat nizosini mediatsiya tartibida ko‘rib chiqish davrida to‘xtatib turiladi.

Shuni unitmaslik lozimki xodimning sog‘lig‘iga yetkazilgan zararni qoplashga doir nizolar bo‘yicha sudga murojaat qilish uchun hech qanday muddat bilan belgilanmaydi.

O`rta Chirchiq tumani YUXKM

bosh yuriskonsulti                                                                    M.Parxatov