Янгиликлар

Er-xotinning umumiy mulkiga nimalar kiradi?

                              Er-xotinning umumiy mulkiga nimalar kiradi?

    Nikoh davomida olingan mol-mulk er va xotinning umumiy mulki hisoblanadi. Xususan, bunday mulk sirasiga quyidagilar kiradi:

    – mehnat va tadbirkorlik faoliyatidan, shuningdek, intellektual faoliyat natijalaridan orttirgan daromadlar;

     – pensiya, nafaqa, shuningdek, moddiy yordam va kompensatsiya summalari (masalan, moddiy yordam, mayib bo‘lish yoki salomatligiga yetgan zarar uchun to‘langan summa va boshqalar) kiradi.

     Mulk er yoki xotinning birining nomida bo‘lsa-chi?

   Quyidagilar er-xotinning umumiy mulki hisoblanadi: er-xotinning umumiy puliga olingan ko‘char va ko‘chmas ashyolar, qimmatbaho qog‘ozlar, paylar (aksiyalar), omonatlar, kredit muassasalariga yoki boshqa tijorat tashkilotlariga kiritilgan kapitaldagi ulushlari hamda boshqa har qanday mol-mulklari.

    Ushbu mol-mulklar er yoki xotindan qaysi birining nomiga rasmiylashtirilgan, puli er va xotinning qaysi biri tomonidan to‘langan bo‘lishidan qat’i nazar, umumiy mol-mulk hisoblanadi (masalan, uy-joy, mashina, omonatlar).

Chinoz tumani adliya bo’limi

YUXKM bosh yuriskonsulti                                                     M.Nurnazarov