Янгиликлар

Oʻzbek tilidagi adabiyotlar jamlanadigan mobil ilova yaratiladi

Oʻzbek tilidagi adabiyotlar jamlanadigan mobil ilova yaratiladi

    Joriy yil 28-noyabr kuni Prezidentimizning “Yoshlar uchun ming kitob” loyihasini amalga oshirish chora-tadbirlari toʻgʻrisida”gi qarori qabul qilindi

    Qarorga koʻra, Yoshlar ishlari agentligi tomonidan jahonda mashhur 1000 ta kitob oʻzbek tiliga tarjima qilinib, “Yoshlar uchun ming kitob” loyihasi amalga oshiriladi.

   Kitoblarni tarjima qilish va nashr etish quyidagi bosqichlarda amalga oshiriladi:

    Birinchi bosqichda – Ekspertlar kengashi tomonidan har yili kitoblarning dastlabki roʻyxati shakllantiriladi,

     Ikkinchi bosqichda – aholi tomonidan ovoz berish yoʻli bilan tanlab olish uchun dastlabki roʻyxat Yoshlar ishlari agentligining axborot tizimlariga joylashtiriladi hamda bu orqali yakuniy roʻyxat shakllantiriladi.

         Loyiha doirasida har yili nashr etiladigan kitoblar roʻyxatiga kamida 20 foiz ilmiy-ommabop asarlar kiritiladi.

    2023–2024-yillarda dastlabki tanlangan 50 nomdagi kitobni tarjima qilish, nashrga tayyorlash va chop etish choralari koʻriladi. Kitoblarni tarjima qilish, nashrga tayyorlash va chop etish bilan bogʻliq davlat xaridlari talabgorlar oʻrtasida eng yaxshi takliflarni tanlash hamda tender oʻtkazish orqali amalga oshiriladi.

     Oʻzbek tilidagi adabiyotlar jamlanadigan va aholi tomonidan bepul foydalaniladigan maxsus mobil ilova yaratiladi.

Alisher Turgʻunov,

Toshkent viloyati adliya boshqarsmasi

bosh maslahatchisi