Янгиликлар

Sogʻlom va mustahkam oila – jamiyat tayanchidir

 Sogʻlom va mustahkam oila – jamiyat tayanchidir

Har qanday jamiyatning maʼnaviy negizi oila hisoblanadi. Davlatning  rivojlanishida oilaning mustahkam boʻlishi bevosita oilaning ijtimoiy rolining muhim ekanligidan dalolatdir. Sogʻlom oilaviy munosabatlarning shakllanishi avvalo, jamiyatning ijtimoiy tartibini belgilovchi asosiy omillardan  biridir.

Jamiyatning mustahkamligi, rivoji esa oilaga bogʻliq. Chunki, jamiyatda boʻladigan ijtimoiy munosabatlarning dastlabki elementi oilada vujudga keladi va  shakllanadi. 

Avvalo, oiladagi tarbiyaning  boshqa  tarbiyalardan  farqi,  afzalligi tarbiya u yerda faqat oʻrgatish, oʻqitish, taʼkidlash bilan emas, barcha narsalarda katta yoshdagilarni kichik yoshlar uchun oʻrnak koʻrsatishi uchun olib boriladi.

Mamlakatimizda oilani huquqiy himoyasi Konstitutsiya darajasida mustahkamlab qoʻyilgan boʻlib, oila uchun maxsus XIV-bob 63-66-moddalar ajratildi. Bunday holat, yaʼni oilaning himoyasi Konstitutsiya darajasida belgilanishi boshqa mamlakatlar Konstitutsiyalarida  uchratmaymiz.

Oila jamiyatning ajralmas qismi va mavjud boʻlish sharti - deb  qaraladi  va  albatta,  unda  ikki  jinsning,  erkak  va  ayolning birlashuvi boʻlishi, bu birlashuv orqali yangi insonlar kelishi nazarda tutiladi. Ana shulardan  kelib  chiqib,  Konstitutsiyaning  63-moddasida  ,,Oila  jamiyatning asosiy boʻgʻinidir ....ʼʼ , degan qoida oʻz aksini topgan. Konstitutsiyada oilani jamiyatning boʻgʻini  sifatida  eʼtirof  etilishi oilasiz jamiyat kemtik  boʻlishini, rivojlanish xavf ostida qolishini koʻrsatadi.

Oilani qoʻllab-quvvatlash, muhofaza qilish davlatning Konstitutsiyaviy burchidir. Davlatning  oilaga  gʻamxoʻrligi  qonun  asosida  qurilgan  boʻlib,  avvalo  u Oila kodeksida  belgilangan. Mamlakatimizda  oila  tuzish  asosi  nikoh  hisoblanadi. Nikoh  oila  tuzishning  qonuniy  sharti  boʻlib,  u  Konstitutsiyada ham belgilangan.

Bundan tashqari, sogʻlom va mustahkam oilaning vujudga kelishi uchun davlat tomonidan chora-tadbrilar hamda normativ-huquqiy hujjatlar qabul qilinmoqda. Jumladan, Oʻzbekiston Respublikasi Prezidentining 2004-yil

25-maydagi PF-3434-sonli farmoni va unda koʻzda tutilgan maqsad va vazifalar, Vazirlar Mahkamasining 2002-yil 5-iyuldagi “Oilada tibbiy madaniyatni oshirish, ayollarning sogʻligini mustahkamlash, sogʻlom avlod tugʻilishi va uni tarbiyalashning utsuvor yoʻnalishlarini amalga oshirishning maqsadli dasturi toʻgʻrisida”gi 242-sonli qarorining bajarilishi mamlakatimizda sogʻlom oilalarning vujudga kelishiga zamin yaratmoqda.

Xulosa  oʻrnida  shuni  aytish  joizki:  Yurtboshimiz  Shavkat Mirziyoyevning ,,Eng    katta    baxt,    men    buni    ming    marta    qaytarishdan charchayapman, oilamiz tinch boʻlsin! Oila kichik vatan, oila tinch boʻlsa, vatan tinch boʻladi. Oʻsha baxtli kunlarni, vatanimizning, yoshlarimizning kamolini hozir niyat qilayotganimiz kabi koʻrishhammamizga nasib etsin!ʼʼ – deb taʼkidlab oʻtgan bu kabi fikrlarni yurtimizdagi islohotlarning, jamiyatda oilaning tutgan oʻrnini,  farzandlarni  kamolga  yetkazishda  boshlangʻich  boʻgin  oilaning muqaddas dargoh ekanliginini yana bir bor eslatib oʻtdilar.

Sogʻlom va mustahkam oila jamiyat barqarorligi va rivojlanishida shubhasiz oʻrin tutadi. U kelajak va farovonlik barpo etuvchi oʻzgarmas poydevor boʻlib xizmat qiladi. Hozirgi  kunda  oila  bizda  eng birinchi oliy boʻgin hisoblanishi ham mintalitet evaziga ham oʻzimizga xos va mos yoʻldan kelib chiqqan holda oila biz uchun hozirgi kundagi har qanday jamiyatning  asosi hisoblanadi.

Yulduz Raxatova,

Chirchiq shahar