Янгиликлар

Maktab direktorligiga nomzodlarni oʻqitish va menejerlik sertifikatini berish tartibi belgilandi

Maktab direktorligiga nomzodlarni oʻqitish va menejerlik sertifikatini berish tartibi belgilandi

Oʻzbekiston Respublikasi Vazirlar Mahkamasining 2023-yil 25-dekabrda qabul qilingan 681-sonli qarori bilan “Davlat umumiy oʻrta taʼlim muassasalari direktori lavozimiga nomzodlarni menejerlik oʻquv kurslarida oʻqitish va ularga menejerlik sertifikatini berish tartibi toʻgʻrisida”gi nizom tasdiqlandi.

Nizomga koʻra:

2024-yil 1-yanvardan boshlab — Abdulla Avloniy nomidagi milliy-tadqiqot institutida davlat umumiy oʻrta taʻlim muassasalari direktori lavozimiga nomzodlarni menejerlik oʻquv kurslarida oʻqitish hamda maxsus portal orqali ularga menejerlik sertifikatini elektron shaklda berish tizimi joriy qilinadi;

2024-yil 1-sentabrdan boshlab — menejerlik sertifikatiga ega umumiy oʻrta taʻlim muassasalari rahbar xodimlariga sertifikat amal qilish muddati davomida lavozim maoshiga har oylik qoʻshimcha ustamalar quyidagi miqdorlarda toʻlanadi:

maktab direktorlariga – 50 foiz;

direktor oʻrinbosarlariga – 30 foiz.

Shuningdek, mazkur qaror bilan tasdiqlangan tegishli Nizom talablariga koʻra:

umumtaʻlim maktablari direktorlari har 5 yilda bir marotaba belgilangan talablarga muvofiq menejerlik sertifikatini olishi talab etiladi;

nomzodlar maxsus portal orqali elektron shaklda roʻyxatdan oʻtadi;

sertifikat 5 yil davomida amal qiladi.

Bekobod tuman Adliya bo’limi yuridik xizmat ko’rsatish markazi bosh yuriskonsulti Rizaqulov Xusniddin Maxamadiyevich