Янгиликлар

Bayram kunlari ishlash tartibi.

Bayram kunlari ishlash tartibi.

Mehnat kodeksining 209-moddasiga asosan dam olish kunlarida va ishlanmaydigan bayram kunlarida ishlash taqiqlanadi.

Mehnat kodeksning 210-moddasiga ko‘ra esa quyidagi holatlarda xodimlarni roziligisiz bayram va dam olish kunlari ishga jalb qilish mumkin:

1) tabiiy yoki texnogen xususiyatga ega halokatlarning, ishlab chiqarishdagi avariyalarning, ishlab chiqarishdagi baxtsiz hodisalarning, shuningdek yong‘inlarning, toshqinlarning, zilzilalarning, epidemiyalarning yoki epizootiyalarning oldini olish yoki oqibatlarini bartaraf etish hamda aholining yoxud uning bir qismining hayotiga yoki normal yashash sharoitlariga tahdid soladigan boshqa alohida hollarda bajariladigan ishlar amalga oshirilishi uchun;

2) baxtsiz hodisalarning oldini olish uchun;

3) markazlashtirilgan issiq suv ta’minoti, sovuq suv ta’minoti va (yoki) suv chiqarish tizimlarining, gaz ta’minoti, issiqlik ta’minoti, yoritish, transport, aloqa tizimlarining normal ishlashini buzadigan kutilmagan holatlarni bartaraf etishga doir ijtimoiy jihatdan zarur ishlar amalga oshirilishi uchun;

4) ish beruvchining mulkini nobud qilish yoki unga zarar yetkazishning oldini olish uchun.

Mehnat Kodeksning 263-moddasiga asosan ishlanmaydigan bayram va dam olish kunlari ishlaganligi uchun xodimlarga kamida 2 xissa miqdorida haq to‘lanishi shart.

Dam olish kunidagi yoki ishlanmaydigan bayram kunidagi ish xodimning xohishiga ko‘ra boshqa dam olish kunini berish bilan kompensatsiya qilinishi mumkin.

Bunday hollarda, xodimga kamida bir hissa miqdorida ish haqi to‘lanadi va boshqa dam olish kuni uchun haq to‘lanmaydi.

Bekobod tumani Adliya bo‘limi YuXKM bosh yuriskonsulti R.M.Mirzaaxmedov.