Янгиликлар

Yangi yil bayrami munosabati bilan xodimlar necha kun dam oladi?

Yangi yil bayrami munosabati bilan xodimlar necha kun dam oladi?

O‘zbekiston Respublikasi Prezidentining 2023-yil 22-dekabrdagi
“2024 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF-213-son Farmoniga ko‘ra, 2024 yilda quyidagi qo‘shimcha dam olish kunlari belgilangan:

barcha xodimlar uchun (ish haftasining turidan qat’i nazar): 22 mart — juma, 11 aprel — payshanba, 18 iyun — seshanba, 3 sentyabr — seshanba, 31 dekabr — seshanba;

olti kunlik ish haftasida ishlaydigan xodimlar uchun: 2 yanvar — seshanba, 23 mart — shanba, 12 aprel — juma, 31 avgust — shanba, 30 dekabr — dushanba.

Mehnat kodeksining 208-moddasiga muvofiq:

ishlanmaydigan bayram kunlari hisoblanuvchi «1 sentyabr — O‘zbekiston Respublikasi mustaqillik kuni», «8 dekabr — Konstitutsiya kuni» bayramlari
2024 yilda yakshanba — dam olish kunlariga to‘g‘ri kelishi munosabati bilan ushbu dam olish kunlari mos ravishda 2024 yil 2 sentyabr va 9 dekabr — dushanba kunlariga ko‘chirilishi;

2024 yilda besh kunlik ish haftasida ishlaydigan xodimlar uchun dam olish kunlari quyidagi tartibda ko‘chirilsin:

6 yanvar — shanba kunidan 2 yanvar — seshanba kuniga;

13 aprel — shanba kunidan 12 aprel — juma kuniga;

14 dekabr — shanba kunidan 30 dekabr — dushanba kuniga.

Demak, bunda Yangi yilda ish haftasining turidan qat’i nazar barcha xodimlar ketma-ket 4 kun dam olishlari aniq:

           30-dekabr — shanba;

           31-dekabr — yakshanba;

           1-yanvar — dushanba (Yangi yil).

           2-yanvar — seshanba

Bekobod tumani Adliya bo‘limi YUXKM bosh yuriskonsulti R.M.Mirzaaxmedov.