Янгиликлар

Agar jarima qarori uch oyda kelmasa nima boʻladi?

Agar jarima qarori uch oyda kelmasa nima boʻladi?

Oʻzbekiston Respublikasi ichki ishlar vazirining 2011-yil 31-maydagi 68-son buyrugʻiga ILOVA "Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisida"gi YOʻRIQNOMAning 69-bandiga koʻra agar maʼmuriy jazo qoʻllanish toʻgʻrisidagi qaror chiqarilgan kundan boshlab uch oy mobaynida ijroga qaratilmagan boʻlsa (qaror nusxasi huquqbuzarga topshirilmagan, huquqbuzarning ishlash, yashash joyiga yoki davlat ijrochisiga yuborilmagan boʻlsa va h. k.), u holda bunday qaror ijro etilmaydi. Ushbu holat boʻyicha xizmat tekshiruvi oʻtkaziladi va aybdor mansabdor shaxsga nisbatan tegishli intizomiy chora koʻrilib, u haqidagi maʼlumot maʼmuriy ish hujjatlariga qoʻshib qoʻyiladi.

Demak, qaor chiqarilgan kundan boshlab sizga uch oy ichida qaror kelishi kerak. Masalan, 2023-yil 1-mart kuni sizga jarima solish toʻgʻrisida qaror chiqarildi va 2023-yil 1-iyunga qadar bu qaror sizga yetib kelmagan boʻlsa unda jarima toʻlamaysiz.

Boʻstonliq tumani adliya boʻlimi

YUXKM boshligʻi U.Tulaganov