Янгиликлар

KORXONADA ICHKI MEHNAT TARTIB QOIDALARI TUZILISHI SHARTMI?

KORXONADA ICHKI MEHNAT TARTIB QOIDALARI TUZILISHI SHARTMI?

O`zbekiston Respublikasi Mehnat kodeksi 162-moddasiga ko`ra Xodim bilan tuzilgan mehnat shartnomasini bekor qilishga olib kelishi mumkin bo‘lgan mehnat majburiyatlarining bir marta qo‘pol ravishda buzilishlari ro‘yxati:

ichki mehnat tartibi qoidalari;

ushbu Kodeksda nazarda tutilgan hollarda tashkilot mulkdori va rahbari o‘rtasida tuzilgan mehnat shartnomasi, shuningdek xodim va ish beruvchi o‘rtasidagi mehnat shartnomasi;

o‘ziga nisbatan intizom to‘g‘risidagi ustavlar va nizomlarning amal qilishi tatbiq etiladigan ayrim toifadagi xodimlarga nisbatan qo‘llaniladigan intizom to‘g‘risidagi ustavlar hamda nizomlar bilan belgilanishi ko`rsatilgan.

Bundan tashqari, Kodeksning 296-moddasiga asosan Ichki mehnat tartibi qoidalari mehnat to‘g‘risidagi qonunchilikka muvofiq ishga qabul qilish va xodimlar bilan tuzilgan mehnat shartnomasini bekor qilish tartibi, mehnat shartnomasi taraflarining huquqlari, majburiyatlari va javobgarligi, ish rejimi, dam olish vaqti, xodimlarga nisbatan qo‘llaniladigan imtiyozlar va jazo choralari, shuningdek ushbu ish beruvchida mehnat munosabatlarini tartibga solishga oid boshqa masalalarni tartibga soluvchi ichki hujjatdir.

Ichki mehnat tartib qoidalari Xodim bilan mehnat shartnomasini tuzishda, bekor qilishda, ish vaqtini qayd etishda, ish vaqti rejimini belgilashda, ish vaqtini hisobga olishni tashkil etishda, dam olish va ovqatlanish uchun tanaffuslarni qayd etishda, dam olish kunlarini belgilashda, mehnat intizomini ta`minlashda, mehnat uchun rag`batlantirishda, xodimning intizomiy javobgarlik masalalarida, xizmat tekshiruvi o`tkazish to`g`risida qoidalarni belgilashda asosiy idoraviy normativ hujjat sanaladi. Shu sababdan korxonada ichki mehnat tartib qoidalari tuzilishi shart.

Yangiyo‘l shahar Yuridik xizmat

ko‘rsatish markazi bosh yuriskonsulti

S.Kamalov