Янгиликлар

Савол: Кимлар кандай холларда «Темир дафтар» дан чикарилади?

1.Савол: Кимлар кандай холларда «Темир дафтар» дан чикарилади?

        Вазирлар Маҳкамасининг 250-сон қарорига илова қилиб келтирилган вақтинчалик тартибга кўра, ижтимоий аҳволи ва турмуш шароити оғир оилалар қуйидаги ҳолларда «Темир дафтар»дан чиқарилади:

- Бандлиги таъминланган ёки доимий даромад манбаига эга бўлганда;

- Бир марталик моддий ёрдам кўрсатиш орқали муаммоси ҳал этилганда оила аъзосининг розилиги билан;

- Малакали тиббий хизмат кўрсатилганда;

- Тўлиқ давлат таъминотига олинганда («Меҳрибонлик», «Саховат» ва бошқа ихтисослаштирилган муассасаларга ўтказилганда);

- Аниқланган бошқа муаммолари қонуний ҳал этилганда;

- Ёлғиз яшайдиган эҳтиёжманд фуқаро озодликдан маҳрум этилганда ёки вафот этганда;

- Оила аъзосининг мурожаатига асосан;

- «Темир дафтар»га ноқонуний киритиш ҳолати аниқланганда;

- Бошқа давлатларга доимий яшаш учун чиқиб кетганда.

- Икки ва ундан ортиқ масалаларини ҳал этиш учун киритилган оилаларнинг барча масалалари тўлиқ ҳал этилганда.

- Доимий ва вақтинча яшаш учун республиканинг бошқа ҳудудига кўчиб ўтганда,

     Юқоридагиларни хаммасини битта қилиб жамлайдиган бўлсак бу, "Темир дафтар"дан ким нима муаммо билан у дафтарга киритилган бўлса, ўша муаммолари тўлиқ ҳал этилмагунича дафтардан чиқарилмаслиги керак деган маънони билдиради.

Чирчик шахар Адлия булими

ЮХКМ бошлиги                                                                 А.Файзиев