Янгиликлар
Xotin qizlar-tadbirkor!
Xotin qizlar-tadbirkor!
Aholini tadbirkorlikka jalb qilish tizimini takomillashtirish, kambagʻallikni qisqartirish va tadbirkorlikni rivojlantirish boʻyicha amalga oshirilayotgan islohotlarni izchil davom ettirish maqsadida 2020-yil 14-oktyabrida Oʻzbekiston Respublikasi Prezidenti tomonidan “Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir chora-tadbirlar toʻgʻrisida” gi PQ-4862-sonli qarori qabul qilinib, ijroga qaratilgan.
Mazkur qarorga asosan, 2020-yil 15-noyabrdan boshlab yoshlar va xotin-qizlarni kasb-hunar va tadbirkorlik koʻnikmalariga oʻqitishni davlat tomonidan qoʻllab-quvvatlash maqsadida: Mahallabay ishlash va tadbirkorlikni rivojlantirish agentligi va Biznes va tadbirkorlik oliy maktabi tomonidan maʼqullangan dasturlar va belgilangan talablar asosida tashkil etilgan oʻquv kurslarini tamomlagan har bir bitiruvchi (yoshlar, xotin-qizlar) uchun kasb-hunar va tadbirkorlikka oʻqitish boʻyicha nodavlat taʼlim tashkilotlari, kasb-hunar maktablari, kollejlar va texnikumlar (keyingi oʻrinlarda — professional taʼlim muassasalari), Biznes va tadbirkorlik oliy maktabi hamda uning hududiy filiallariga sarflangan xarajatlarning 70 foizi, biroq har bir bitiruvchiga 1 million soʻmdan ortiq boʻlmagan miqdori davlat tomonidan qoplab beriladi.
Bugungi kunda Mamlakatimizda xotin-qizlarning faolligini oshirish, ayollar tadbirkorligini har tomonlama qoʻllab-quvvatlash, ularga tadbirkorlik koʻnikmalarini oʻrgatish oldimizga qoʻygan maqsadimizdir.
Shu tufayli, Bosh vazir oʻrinbosari rahbarligida bir oy muddatda 2024-2025-yillarda tadbirkorlik, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan xotin-qizlarni qoʻllab-quvvatlash dasturi ishlab chiqilishi, Kredit ajratishda ustuvorlik “Ijtimoiy himoya yagona reestri” axborot tizimiga, “Ayollar daftari”, “Yoshlar daftari” va “Temir daftar”ga kiritilgan xotin-qizlar tomonidan amalga oshirish taklif etilayotgan loyihalarga berilishi hamda Xotin-qizlar tadbirkorligini rivojlantirish boʻyicha maxsus komissiya tomonidan 2024-2025-yillarda tadbirkorlik, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan xotin-qizlarni qoʻllab-quvvatlash dasturi tasdiqlanishi belgilab olindi.
Umuman olganda, Nafosat va goʻzallik timsoli boʻlgan nozik xilqat egalari-oʻz haq-huquqlaringizni anglab yashagan holda, doimo yurtimizning aziz va mukarrama ayollari boʻlib yurishingizga tilakdoshmiz.
Zangiota tumani adliya boʻlimi
Yuridik xizmat koʻrsatish markazi
Bosh yuriskonsulti N. Anarqulova