Янгиликлар
Bolalar sogʼlomlashtirish oromgohlarida dam oladigan bolalar qamrovi kengaytiriladi
Bolalar sogʼlomlashtirish oromgohlarida dam oladigan bolalar qamrovi kengaytiriladi
“Bolalar sogʼlomlashtirish oromgohlarida dam oladigan bolalar qamrovini kengaytirishga qaratilgan chora-tadbirlar toʼgʼrisida”gi PQ-199-son Prezident Qaroriga koʼra, tadbirkorlik subyektlari va xoʼjalik yurituvchi subyektlarni jalb etgan holda belgilangan statsionar bolalar sogʼlomlashtirish oromgohlari negizida quyidagi mexanizmlar orqali oʼzaro manfaatli hamkorlik loyihalari amalga oshiriladi:
oromgohlar hududining bir qismida yangi binolarni qurish yoki mavjud binolarni taʼmirlash va jihozlash sharti bilan oromgohlar bino-inshootlari va yer uchastkalarining bir qismini 15 yilgacha muddatga hamkorlarga ijaraga berish;
oromgohlar hududida yangi binolarni qurish yoki mavjud binolarni taʼmirlash va jihozlash sharti bilan oromgohlar bino-inshootlari va yer uchastkalarini yozgi mavsumdan tashqari paytda foydalanish uchun 10 yilgacha muddatga hamkorlarga ijaraga berish;
oromgohlar hududida yangi binolarni qurish yoki mavjud binolarni taʼmirlash va jihozlash, shuningdek, yozgi mavsum paytida oromgohlar tashkil etish sharti bilan oromgohlar bino-inshootlari va yer uchastkalarini 10 yilgacha muddatga hamkorlarga ijaraga berish.
Bunda mazkur nazarda tutilgan hamkorlik loyihalari Oʼzbekiston kasaba uyushmalari Federatsiyasi tomonidan ishlab chiqiladigan shartlar asosida hamkorlarga “E-auksion” elektron savdo platformasi orqali taklif etiladi.
Shuningdek, belgilangan oromgohlarning bino-inshootlari va yer uchastkalarini yozgi mavsumdan tashqari paytda hamkorlarga ijaraga berish orqali ularni oʼzini oʼzi moliyalashtirish tizimiga oʼtkaziladi.
Zangiota tumani adliya bo’limi
Yuridik xizmat ko’rsatish markazi
Boshlig‘i A.Toshmatjonov