Янгиликлар

Turizm va mehmonxona xo'jaligi sohalarida kadrlar tayyorlash tizimi 3 yillik bo'ladi

Turizm va mehmonxona xo'jaligi sohalarida kadrlar tayyorlash tizimi 3 yillik bo'ladi

“Turizm sohasida kadrlar tayyorlash tizimini takomillashtirish chora-tadbirlari to'g'risida”gi 269-son Prezident Qarori qabul qilindi.

Qarorga ko'ra, 2024/2025-o'quv yilidan davlat oliy ta'lim muassasalarida turizm va mehmonxona xo'jaligi sohalarida kadrlar tayyorlash tizimi uch yillik oliy ta'lim dasturlari asosida yo'lga qo'yiladi va o'quv jarayoni “blok-modul” tizimiga asoslangan dual ta'lim shaklida tashkil etiladi.

Bunda, o'quv jarayonlarining nazariy va amaliy mashg'ulotlar ulushini:

1 bosqichda – 80 foiz nazariy va 20 foiz amaliy;

2 bosqichda – 50 foiz nazariy va 50 foiz amaliy;

3bosqichda – 30 foiz nazariy va 70 foiz amaliy bo'lishi nazarda tutiladi.

2024-yil 1-avgustdan turizm sohasida kadrlar tayyorlovchi oliy ta'lim muassasalarida yuridik shaxs maqomiga ega bo'lmagan amaliyot bazalarini (turoperator, turagent, gid-tarjimon, mehmonxona va turizm transporti xizmatlarini ko'rsatish obyektlari) belgilangan tartibda tashkil etishga ruxsat beriladi.

2027-yil 1-yanvargacha turizm sohasida kadrlar tayyorlovchi oliy ta'lim muassasalarining amaliyot bazalarida ko'rsatilgan xizmatlar uchun foyda solig'i ushbu soliq bo'yicha belgilangan soliq stavkalariga nisbatan 50 foizga kamaytirilgan stavkada to'lanadi.

Bo’ka tumani adliya bo’limi

YXKM bosh yuriskonsulti

Abdug’apparov Abbos