Янгиликлар

Kimlar davlat hisobidan yuridik yordam olish huquqiga ega?

Kimlar davlat hisobidan yuridik yordam olish huquqiga ega?

Quyidagi jismoniy shaxslar davlat hisobidan yuridik yordam olish huquqiga ega:

1 kam taʻminlangan shaxslar, agar ular:

➖fuqarolik ishlari boʻyicha daʻvogar yoki javobgar;

➖maʻmuriy ishlar boʻyicha arizachi;

➖maʻmuriy qamoq tarzidagi maʻmuriy jazo nazarda tutilgan maʻmuriy huquqbuzarlikni sodir etgan shaxs;

➖jinoyat ishlari boʻyicha gumon qilinuvchi, ayblanuvchi, sudlanuvchi, shuningdek mahkum boʻlsa;

2 ruhiy holati buzilgan jismoniy shaxslar, ularga “Psixiatriya yordami toʻgʻrisida”gi Qonunga muvofiq psixiatriya yordami koʻrsatilayotganda;

3 oʻz huquqlari buzilgan, “Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi Qonunda nazarda tutilgan xotin-qizlar va erkaklarning teng huquqliligi buzilganligi munosabati bilan sudga murojaat qilgan jismoniy shaxslar;

4 jinoyat ishi boʻyicha advokat ishtirok etishi shart boʻlgan taqdirda, gumon qilinuvchi, ayblanuvchi yoki sudlanuvchi.

Boʻka tumani adliya boʻlimi

YXKM bosh yuriskonsulti

Abdugʻapparov Abbos