Янгиликлар

Maktabgacha taʼlim agentligi faoliyati tugatildi

                Maktabgacha taʼlim agentligi faoliyati tugatildi

Maktabgacha va maktab taʼlimida yaxlit davlat boshqaruvi tizimini tashkil qilish, ushbu sohadagi dolzarb muammolarni samarali hal etish, davlat va nodavlat maktabgacha taʼlim yoʻnalishida belgilangan maqsadli koʻrsatkichlarga erishishni taʼminlash maqsadida joriy yilning 2-iyul kunida “Maktabgacha va maktab taʼlimi sohasida davlat boshqaruvi tizimini takomillashtirish chora-tadbirlari toʻgʻrisida”gi Prezident Farmoni qabul qilindi

Farmonga koʻra, Maktabgacha taʼlim agentligi (Agentlik) faoliyati tugatildi hamda Agentlikning tashkiliy tuzilmasidagi tashkilotlar Maktabgacha va maktab taʼlimi vazirligi tasarrufiga oʻtkazildi.

Maktabgacha va maktab taʼlimi vazirligi zimmasiga:

-ilgʻor xorijiy tajribani hisobga olgan holda maktabgacha yoshdagi bolalarni har tomonlama intellektual, axloqiy, estetik va jismoniy rivojlantirish uchun shart-sharoitlar yaratish;

-maktabgacha taʼlim va tarbiya jarayoniga zamonaviy innovatsion pedagogik texnologiyalarni, taʼlim va tarbiyaning samarali shakllari hamda usullarini joriy etish;

-maktabgacha taʼlimning oʻquv reja, dastur va oʻquv-metodik majmualarini takomillashtirish, ularning umumiy oʻrta taʼlim dasturlari bilan uzviyligini taʼminlash;

-davlat va nodavlat maktabgacha taʼlim tashkilotlari orasida sogʻlom raqobat muhitini yaratish hisobiga barcha bolalarning maktabgacha taʼlim bilan bosqichma-bosqich qamrab olinishini taʼminlash kabi qoʻshimcha funksiyalar yuklatildi.

Zangiota tumani adliya boʻlimi

Yuridik xizmat koʻrsatish markazi

Yuosh yuriskonsulti                                                 N. Anarqulova