Янгиликлар

Ekologiya vazirligiga qoʻshimcha vakolatlar berildi

Ekologiya vazirligiga qoʻshimcha vakolatlar berildi

Joriy yilning 23-iyul kunida “Respublikada ov qilish va ovchilik xoʻjaliklari faoliyatini yanada takomillashtirish chora-tadbirlari toʻgʻrisida”gi Prezident Farmoni qabul qilindi.

Ushbu Farmonga asosan, Ekologiya vazirligiga:

-ovchilik xoʻjaligini yuritish uchun ov qilish joylarini berish toʻgʻrisidagi shartnomaning namunaviy shaklini tasdiqlash;

-ovchilik xoʻjaligini yuritishda texnik-iqtisodiy asosnoma materiallarining formatini tasdiqlash;

-yuridik va jismoniy shaxslar bilan ovchilik xoʻjaligini yuritish uchun ov qilish joylarini berish toʻgʻrisida shartnoma tuzish vakolatlari berildi.

Shuningdek, 2024-yil 1-oktyabrdan ovchilarga ovchilik yoʻllanmasi yovvoyi hayvonlarni tutishga doir kvotalar asosida elektron dastur orqali beriladi.

Farmonga asosan 2024-yil 1-oktyabrdan ovchilik guvohnomasini berishda:

-ovchilik guvohnomasini olish uchun talabgorlarni maxsus oʻquv kurslarida oʻqitish joriy etiladi;

-ovchilik guvohnomasi muomalaga layoqatli, 18 yoshga toʻlgan, oʻquv kurslarini tugatgan va test sinovlaridan muvaffaqiyatli oʻtgan jismoniy shaxslarga YAIDXP orqali 2 yil muddatga berilishi tartibi oʻrnatiladi.

Mazkur Farmonga binoan 2024-yil 1-sentyabrdan yovvoyi hayvonlarni koʻpaytirish joylarini, kichik safari parklar va ov turizmini tashkil qilgan ovchilik xoʻjaliklari 3 yil muddat mobaynida mol-mulk va yer soligʻini 50 foizga kamaytirilgan soliq stavkalari boʻyicha, shuningdek, aylanmadan olinadigan soliqni 1 foiz miqdorida toʻlaydi.

Zangiota tumani adliya boʻlimi

Yuridik xizmat koʻrsatish markazi

Bosh yuriskonsulti                                                   N. Anarqulova