Янгиликлар

Qachon familiya, ism va ota ismini o`zgartirish mumkin?

     Qachon familiya, ism va ota ismini o`zgartirish mumkin?

O‘zbekiston Respublikasi Vazirlar Mahkamasining 20.10.2023-yildagi “Nikoh, oila va fuqarolik holati dalolatnomalarini qayd etish sohasidagi normativ-huquqiy hujjatlarni tizimlashtirish to‘g‘risida” 550-sonli qarorining 150-bandida Familiya, ism, ota ismini o‘zgartirish to‘g‘risidagi arizalar:

O‘zbekiston Respublikasining “Davlat tili haqida”gi Qonuni 15-moddasiga muvofiq; (O‘zbekiston Respublikasida yashovchi shaxslar, o‘z millatidan qat’i nazar, o‘z ismini, ota ismi va familiyasini milliy-tarixiy an’analarga muvofiq yozish huquqiga egadirlar.)

sudning hal qiluv qarori asosida;

agar familiya va ism eshitilishda yoqimsiz bo‘lsa;

agar familiya va ism millatiga to‘g‘ri kelmasa;

xohishiga qarab nikohgacha bo‘lgan familiyaga (nikohda turgan davrida ham, nikohdan ajratilgandan keyin ham) qaytishda;

oila uchun umumiy familiyada bo‘lish istagi paydo bo‘lganda (agar nikoh tuzish paytida er-xotin umumiy familiya qabul qilishmagan bo‘lsa;

bolalarning ota yoki ona bilan bir xil familiyada bo‘lish, onasining nikohgacha bo‘lgan familiyasida bo‘lish, o‘gay otaning yoki vasiysining familiyasida bo‘lish istagi paydo bo‘lgandaligi belgilangan.

Bekobod shahar Adliya bo`limi Yuridik xizmat ko`rsatish

markazi bosh yuriskonsulti: Djurayeva Dildara Adxambayevna