Янгиликлар
30
Nikohni FHDYO tomonidan bekor boʻlish tartibi qanday?
Nikohni FHDYO tomonidan bekor boʻlish tartibi qanday?
Oila kodeksining 42-moddasi talablariga binoan, agar er-xotinning voyaga yetmagan bolalari boʻlmasa, ular oʻzaro, yaʼni ikkisi ham rozi boʻlsalar, nikohdan fuqarolik holati dalolatnomalarini qayd etish organlarida ajratilishi mumkin.
Agar er-xotin oʻrtasida:
—mehnatga layoqatsiz muhtoj er yoki xotinga moddiy taʼminot berish toʻgʻrisida;
—yoki ularning umumiy mulki boʻlgan mol-mulkni boʻlish toʻgʻrisida kelishmovchilik, yaʼni nizo boʻlgan taqdirda ajrim fhdyo orqali iemas sud orqali boʻladi.
Shuningdek,Oila kodeksining 43-moddasida er yoki xotinning biri tomonidan beriladigan ariza boʻyicha ham FXDYO ajratib qoʻyishi mumkin boʻlgan holatlar koʻrsatib oʻtilgan.
Agar er-xotindan biri:
—sud tomonidan bedarak yoʻqolgan deb topilgan boʻlsa;
—sud tomonidan ruhiyati buzilishi (ruhiy kasalligi yoki aqli zaifligi) sababli muomalaga layoqatsiz deb topilgan boʻlsa;
—sodir qilgan jinoyati uchun 3 yildan kam boʻlmagan muddatga ozodlikdan mahrum qilingan boʻlsa, oʻrtada voyaga yetmagan bolalari borligidan qatʼi nazar, er-xotindan birining arizasiga koʻra ular fuqarolik holati dalolatnomalarini qayd etish organlarida nikohdan ajratiladi.
Agar taraflar oʻrtasida bolalar haqida, er-xotinning birgalikdagi umumiy mol-mulkini boʻlish haqida yoki yordamga muhtoj, mehnatga layoqatsiz er (xotin)ga taʼminot berish uchun mablagʻ toʻlash haqida nizo mavjud boʻlsa, ular nikohdan sud tartibida ajratiladi.
Нурафшон шаҳар ЮХКМ бош юристконсульти Ш.Қўзиев