Янгиликлар

Ichki o’rindosh xodimimizga intizomiy jazo qo’llanildi, asosiy ish joyidan ham rag‘batlantirish choralari berilmaydimi?

---

Ichki o’rindosh xodimimizga intizomiy jazo qo’llanildi, asosiy ish joyidan ham rag‘batlantirish choralari berilmaydimi?
MK 435-moddasiga ko’ra, o‘rindoshlik asosida ishga qabul qilish mehnat shartnomasi asosida amalga oshiriladi va ish beruvchining buyrug‘i bilan rasmiylashtiriladi. Asosiy ish to‘g‘risida ish beruvchi bilan mehnat shartnomasini tuzgan xodimning ichki o‘rindoshligi chog‘ida xodim bilan o‘rindoshlik asosida ishlash to‘g‘risida alohida mehnat shartnomasi tuziladi.
Ichki o’rindosh xodimga intizomiy jazo qo’llanilsa, asosiy ish joyidan rag‘batlantirish choralarini olaveradi. Chunki, o’rindoshlikda, shu jumladan ichki o’rindoshlikda xodim va ish beruvchi o‘rtasidagi yakka tartibdagi mehnatga oid munosabatlar alohida mehnat shartnomasi asosida yuzaga keladi.
Bundan tashqari, MK 200-moddasiga ko’ra, ishlab berilgan vaqt tarkibida ish vaqtidan tashqari ishlarning, ishbay asosida ishlaydiganlarning vaqti-vaqti bilan bajariladigan ishining, xizmat safarlarining va ichki o‘rindoshlikka doir ishning vaqti alohida hisobga olinadi.

Nurafshon shahar YXKM boshlig‘i F.Nazarov

---