Янгиликлар
Iqtisodiyot tarmoqlarida aerokosmik texnologiyalar joriy etiladi
Iqtisodiyot tarmoqlarida aerokosmik texnologiyalar joriy etiladi
“2024–2026-yillarda iqtisodiyot tarmoqlarida aerokosmik texnologiyalarni joriy etish chora-tadbirlari toʻgʻrisida”gi Prezident Farmoni (PF-155-son, 14.10.2024-y.) qabul qilindi.
Farmonga koʻra, 2024–2026-yillarda iqtisodiyot tarmoqlaridagi muammolarni aniqlash hamda ularni bartaraf etish boʻyicha samaradorlikni oshirish uchun quyidagilar davlat kosmik monitoringining ustuvor yoʻnalishlari etib belgilandi:
yer uchastkalarining oʻzboshimchalik bilan egallab olinishi va bunday yer uchastkalarida bino va inshootlar qurilishi holatlarini aniqlash;
oʻrmon bilan qoplangan maydonlarning chegaralarini belgilash va ularning holatini monitoring qilish;
geologiya sohasida yer qaʻridan oʻzboshimchalik bilan foydalanish, foydali qazilmalar joylashgan maydonlardan asossiz ravishda va boshqa maqsadlarda foydalanish holatlarini aniqlash;
mavjud chiqindilarni saqlash joylarida belgilangan hududdan tashqariga chiqish holatlarini, yangi paydo boʻlgan noqonuniy chiqindi zonalarini aniqlash;
suv omborlarining loyqa oqiziqlar bilan toʻlib borishini, suv sathi rejimini monitoring qilish;
qishloq xoʻjaligi ekin yerlaridan samarali foydalanilishini oʻrganish, ekinlarning turlari hamda suv isteʻmoli hajmlarini aniqlash.
2025-yil 1-martdan yer qaʻridan foydalanish boʻyicha masofaviy monitoring va risk-tahlil “Geomonitoring” axborot tizimi hamda SGM platformasi orqali amalga oshiriladi.
Boʻka tumani adliya boʻlimi
YXKM bosh yuriskonsulti
Jamolov Samandar