Янгиликлар

Huquqshunosga savol: Turmush oʻrtogʻimning marhum otasidan qolgan avtoulov meros sifatida berilishi toʻgʻrisida Fuqarolik ishlari boʻyicha sudga daio arizasi kiritilgan va koʻrib chiqilmoqda, shu mulkga teng huquqli sherik boʻlish boʻyicha mening Sudga b

Huquqshunosga savol:

Turmush oʻrtogʻimning marhum otasidan qolgan avtoulov meros sifatida berilishi toʻgʻrisida Fuqarolik ishlari boʻyicha sudga daio arizasi kiritilgan va koʻrib chiqilmoqda, shu mulkga teng huquqli sherik boʻlish boʻyicha mening Sudga bergan davo arizam rad etildi.Shu masalada tushintirish bersangiz?

Javob:

Sudya daʼvo arizasini ish yuritishga qabul qilishni quyidagi hollarda rad etadi, agar: 1) nizo sudga taalluqli boʻlmasa;

2) ayni bir shaxslar oʻrtasidagi, ayni bir predmet toʻgʻrisidagi va ayni bir asoslar boʻyicha fuqarolik ishlari boʻyicha sudning hal qiluv qarori yoki kelishuv bitimini tasdiqlash toʻgʻrisida ajrimi boʻlsa;

3)fuqarolik ishlari boʻyicha sudning, hakamlik sudining ish yuritishida ayni bir shaxslar oʻrtasida, ayni bir predmet toʻgʻrisida va ayni bir asoslar boʻyicha nizo yuzasidan ish mavjud boʻlsa;

4) ayni bir shaxslar oʻrtasidagi, ayni bir predmet toʻgʻrisidagi va ayni bir asoslar boʻyicha nizo yuzasidan hakamlik sudining qonuniy kuchga kirgan hal qiluv qarori boʻlsa, bundan iqtisodiy sud hakamlik sudining hal qiluv qarorini majburiy ijro etish uchun ijro varaqasini berishni rad etgan hollar mustasno;

5) ayni bir shaxslar oʻrtasidagi, ayni bir predmet toʻgʻrisidagi va ayni bir asoslar boʻyicha nizo yuzasidan hakamlik muhokamasini tugatish toʻgʻrisida chiqarilgan ajrim boʻlsa, bundan hakamlik sudida ushbu nizoni koʻrib chiqish vakolati mavjud emasligi sababli hakamlik muhokamasi tugatilganligi holati mustasno.

Daʼvo arizasini qabul qilishni rad etish toʻgʻrisidagi ajrim ustidan shikoyat qilinishi (protest keltirilishi) mumkin. Ajrim bekor qilingan taqdirda, daʼvo arizasi sudga dastlabki murojaat qilingan kunda berilgan deb hisoblanadi.

Bekobod shaxar Adliya boʻlimi yuridik

xizmat koʻrsatish markazi boshligʻi                                            N.Tursunov