Янгиликлар

Muayyan huquqdan mahrum qilish deb sud tomonidan tayinlagan muddat davomida aybdorning:

Muayyan huquqdan mahrum qilish deb sud tomonidan tayinlagan muddat davomida aybdorning:

- korxona, muassasa yoki tashkilotlarda u yoki bu mansabni egallashini;

- u yoki bu faoliyat bilan shugʻullanishini taqiqlashdan iborat boʻlgan jazo chorasiga aytiladi.

Masalan: Haydovchilik huquqidan mahrum qilish, rahbarlik lavozimlarida ishlash huquqidan mahrum qilish.

Ushbu jazo turi quyidagi muddatlarga tayinlanadi:

- 1 yildan 5 yilgacha (asosiy jazo tariqasida);

- 1 yildan 3 yilgacha (qoʻshimcha jazo tariqasida).

Muayyan huquqdan mahrum qilish - odatda asosiy jazo tariqasida:

- aybdor mansabi yoki ish faoliyati bilan bevosita bogʻliq boʻlgan jinoyatni sodir etganda;

- JK Maxsus qismining tegishli moddasi sanksiyasida asosiy jazo turi sifatida nazarda tutilgandagina tayinlanadi.

Qoʻshimcha jazo tariqasida esa - JK Maxsus qismining tegishli moddasida asosiy jazo tariqasida nazarda tutilmagan boʻlsa, har qanday turdagi asosiy jazoga qoʻshimcha jazo tariqasida tayinlanishi mumkin.

Yangiyoʻl tuman adliya boʻlimi

yuridik xizmat koʻrsatish

Markazi boshligʻi                                                   S.Djamalov