Янгиликлар

Jamoaviy sport turlari rivojlantiriladi

Jamoaviy sport turlari rivojlantiriladi

“Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari toʼgʼrisida”gi Prezident qarori (PQ-421-son, 04.12.2024 y.) qabul qilindi

Qarorga koʼra, 2025/2026 oʼquv yilidan barcha davlat universitetlarida voleybol, basketbol, gandbol, regbi, chim ustida xokkey, suv polosi jamoaviy sport turlari boʼyicha, boshqa davlat oliy taʼlim muassasalarida kamida 3 ta jamoaviy sport turlari boʼyicha sport klublari tashkil etiladi.

2025/2026 oʼquv yilidan jamoaviy sport turlari boʼyicha quyidagi sport musobaqalarini oʼtkazib borish yoʼlga qoʼyiladi:

“Maktab ligasi”;

“Talabalar ligasi” va “Oliy taʼlim kubogi”;

“Rektor kubogi”.

Vazirlik va idoralar, xoʼjalik birlashmalari, davlat ishtirokidagi tijorat banklari va korxonalarda kamida 3 ta jamoaviy sport turlari boʼyicha sport klublari tashkil qilinadi.

Bunda jamoaviy sport turlari boʼyicha idoraviy tashkilotlar kesimida “Rahbar kubogi”, mahalliy hokimliklar kesimida “Hokim kubogi” musobaqalari oʼtkazib boriladi.

Quyidagilar yoʼlga qoʼyiladi:

tadbirkorlik subʼektlarida jamoaviy sport turlari boʼyicha sport klublarini tashkil qilish;

tadbirkorlik subʼektlari sport klublari oʼrtasida “Korporativ sport oʼyinlari” sport musobaqasini oʼtkazib borish.

Bo‘ka tumani yuridik xizmat

ko‘rsatish markazi bosh yuriskonsulti                                           N.A.Tojiqulova