Янгиликлар
Tovarlarni va transport vositalarini hisobga olish, hisobga olish tizimini tekshirish hamda ularni inventarizatsiya qilish tartibi qanday ?
Tovarlarni va transport vositalarini hisobga olish, hisobga olish tizimini tekshirish hamda ularni inventarizatsiya qilish tartibi qanday ?
Bojxona chegarasidan olib o‘tilayotgan va (yoki) bojxona nazorati ostida bo‘lgan barcha tovarlar va transport vositalari bojxona organlari tomonidan hisobga olinishi kerak.
Tegishli bojxona rejimlari shartlariga rioya etilishi uchun mas’ul bo‘lgan yuridik va jismoniy shaxslar birinchi qismida ko‘rsatilgan tovarlarning va transport vositalarining hisobini yuritishi hamda bojxona organlariga O‘zbekiston Respublikasi Davlat bojxona qo‘mitasi tomonidan belgilanadigan shaklda hisobot taqdim etishi shart.
ikkinchi qismda ko‘rsatilgan yuridik va jismoniy shaxslar tomonidan amalga oshiriladigan tovarlarni va transport vositalarini hisobga olish tizimini tekshirish bojxona organlari tomonidan quyidagi hollarda qo‘llanilishi mumkin:
shaxs bojxona rasmiylashtiruvining soddalashtirilgan tartib-taomillarini qo‘llash to‘g‘risida ariza berganda;
hisobga olinishi lozim bo‘lgan tovarlar shartli ravishda chiqarib yuborilganda;
bojxona brokerlarining, bojxona tashuvchilarining, shuningdek ayrim bojxona rejimlari doirasida faoliyat yuritayotgan va (yoki) tovarlarni bojxona nazorati ostida saqlash bo‘yicha xizmatlar ko‘rsatayotgan shaxslarning faoliyati nazorat qilinayotganda;
bojxona nazorati ostida turgan tovarlar va (yoki) transport vositalariga nisbatan vakolatli shaxs tekshirilayotganda.
Bojxona nazorati ostida turgan tovarlarni va transport vositalarini inventarizatsiya qilish bojxona organi boshlig‘ining yoki uning o‘rnini bosuvchi shaxsning qaroriga ko‘ra bojxona organining mansabdor shaxslari tomonidan amalga oshiriladi.
Bojxona organlari tegishli bojxona rejimlari shartlariga rioya etilishi uchun javobgar bo‘lgan yuridik va jismoniy shaxslar tomonidan o‘tkazilgan tovarlar va transport vositalari inventarizatsiyasi natijalaridan foydalanishi mumkin.
Parkent tumani adliya bo’limi YUXKM
bosh yuristkosul’ti M.M.Payziyev