Янгиликлар

Xavfli ishlab chiqarish obyektlaridan foydalanuvchi tashkilotlar xodimlarini attestatsiyadan o‘tkazish tartibi belgilandi

Xavfli ishlab chiqarish obyektlaridan foydalanuvchi tashkilotlar xodimlarini attestatsiyadan o‘tkazish tartibi belgilandi

Hukumat qarori (26-son, 21.01.2025 y.) bilan “Xavfli ishlab chiqarish ob’yektlaridan foydalanuvchi tashkilotlarning rahbar va muhandis-texnik xodimlarini tayyorlash, qayta tayyorlash, ularning malakasini oshirish hamda attestatsiyadan o‘tkazish tartibi to‘g‘risida”gi nizom tasdiqlandi

Nizom quyidagilarni nazarda tutadi:

xavfli ishlab chiqarish ob’yektlaridan foydalanuvchi tashkilotlarning rahbar va muhandis-texnik xodimlarini tayyorlash, qayta tayyorlash, ularning malakasini oshirish tartibi, muddatlari va ularni amalga oshiruvchi tashkilotlar;

xavfli ishlab chiqarish ob’yektlaridan foydalanuvchi tashkilotlarning rahbar va muhandis-texnik xodimlarini attestatsiyadan o‘tkazish tartibi, muddatlari, attestatsiya turlari hamda attestatsiyadan o‘tkaziladigan xodimlar toifalari;

attestatsiya komissiyasining tarkibini shakllantirish va faoliyatini tashkil etish;

attestatsiya natijalari bo‘yicha appelyasiya berish va uni ko‘rib chiqish qoidalari.

Xodimlar davriy attestatsiyadan quyidagi muddatlarda o‘tkaziladi:

xavfli ishlab chiqarish ob’yektidan foydalanuvchi tashkilotlarning rahbar xodimlari, ularning markaziy attestatsiya komissiyalari raislari va rais o‘rinbosarlari – besh yilda bir marta;

muhandis-texnik xodimlar, shuningdek, attestatsiya komissiyalari a’zolari – uch yilda bir marta;

xavfli ishlab chiqarish ob’yektidan foydalanuvchi tashkilotlarda faoliyat yuritadigan boshqa ishchi-xodimlar – bir yilda bir marta.

Zangiota tumani adliya bo’limi

Yuridik xizmat ko’rsatish markazi

Bosh yuriskonsulti                                                              I.Roziqov