Янгиликлар
O‘zbekiston Respublikasi Vazirlar Mahkamasining 26.08.2024-yildagi "O‘zbekiston Respublikasi Hukumatining ayrim qarorlariga tazyiq va zo‘ravonlik qurboni bo‘lgan xotin-qizlarga himoya orderi berish tartibini takomillashtirishga qaratilgan o‘zgartirish va
O‘zbekiston Respublikasi Vazirlar Mahkamasining 26.08.2024-yildagi "O‘zbekiston Respublikasi Hukumatining ayrim qarorlariga tazyiq va zo‘ravonlik qurboni bo‘lgan xotin-qizlarga himoya orderi berish tartibini takomillashtirishga qaratilgan o‘zgartirish va qo‘shimchalar kiritish to‘g‘risida"gi 529-sonli qarori qabul qilindi.
O‘zgartirish va qo‘shimchalar quyidagilarni nazarda tutadi:
tazyiq va zo‘ravonlikka uchragan ayollarga himoya orderini YAIDXP orqali berish;
himoya orderini elektron shaklda berish;
himoya orderini berish jarayonini avtomatlashtirish;
himoya orderini profilaktika inspektori tomonidan tashabbus tartibida berish.
Hujjatda himoya orderi profilaktika inspektori tomonidan tazyiq va zo‘ravonlik holati yoki ularning yuzaga kelish xavfi aniqlangan paytdan boshlab 24 soat ichida berilishi belgilangan. Bunda YAIDXP orqali himoya orderini rasmiylashtirish va berish bepul amalga oshiriladi.
2024-yil 1-dekabrdan boshlab bir kalendar yili davomida ikki va undan ortiq marta tazyiq va zo‘ravonlik holati aniqlanganda, himoya orderi profilaktika inspektori tomonidan uning tashabbusi bilan beriladi.
Vazirlar Mahkamasining 04.01.2020 yildagi "Ayollarni tazyiq va zo‘ravonlikdan himoya qilish tizimini takomillashtirish chora-tadbirlari to‘g‘risida"gi 3-sonli qaroriga tegishli o‘zgartirish va qo‘shimchalar kiritilmoqda.
O`rta Chirchiq tuman Yuridik xizmat ko`rsatish markazi
bosh yuriskonsulti A.Ochilboyev