Bog'lanish

Telefon
(+998 71) 501-05-15

Elektron manzil
tosh_vil@adliya.uz

Habarni yuborish
Ishonch telefoni 1008

Янгиликлар

10

Nogironligi boʻlgan shaxslarga subsidiya ajratish uchun ariza qabul qilish boshlanadi

Nogironligi boʻlgan shaxslarga subsidiya ajratish uchun ariza qabul qilish boshlanadi

Xabaringiz bor, joriy yilning 21-iyun kuni hukumat tomonidan nogironligi boʻlgan yoshlarga subsidiya ajratishning maʻmuriy reglamentlari tasdiqlangan edi. Reglamentga muvofiq, nogiron yoshlarga nodavlat taʼlim tashkilotlarida kasb-hunar, dasturlash, umumtaʼlim fanlari va xorijiy tillarni oʻrgatish, zarur hollarda yashash va transport xarajatlarini qoplash uchun BHMning 50 baravarigacha (15 mln soʻmgacha) subsidiya ajratilishi belgilangan.

Subsidiya olish uchun istalgan davlat xizmatlari markaziga murojaat qilinadi yoki YAIDXP (https://my.gov.uz/uz) orqali davlat xizmatidan elektron tarzda foydalanish uchun roʻyxatdan oʻtiladi.

Arizaga quyidagilar ilova qilinadi:

oʻqish xarajatlari uchun subsidiya olishda:

- ariza bolaning qonuniy vakili tomonidan berilsa, uning shaxsiy identifikatsiya raqami va bolaning qonuniy vakili ekanligini tasdiqlovchi hujjat;

- nodavlat taʼlim tashkiloti tomonidan ariza beruvchini oʻqitish toʻgʻrisida shartnomaning elektron nusxasi;

-yashash va transport xarajatlari uchun subsidiya olishda:

- yoʻl xarajatlarini tasdiqlovchi hujjatlarning elektron nusxalari;

- ijara shartnomasi va uning soliq organlarida hisobga qoʻyilganligi haqidagi bildirishnomaning elektron nusxasi.

Davlat xizmati bepul koʻrsatiladi.

Ariza 3 ish kunida koʻrib chiqilib:

Ø subsidiya ajratish haqida elektron tizimga maʼlumot kiritiladi va bu haqida ariza beruvchiga SMS-xabarnoma yuboriladi;

Ø nodavlat taʼlim tashkiloti joylashgan hududdagi mahallaning yoshlar yetakchisi zimmasiga ariza beruvchining nodavlat taʼlim tashkilotida oʻqishini joyiga chiqqan holda monitoring qilish vazifasi yuklatiladi.

Davlat xizmatlarini koʻrsatish jarayonida ariza beruvchilarga oid maʼlumotlar sir saqlanadi.

Subsidiya olish uchun arizalar joriy yil uchun – 2022-yil 1-avgustdan, 2023-yildan boshlab esa har yili – 10-yanvardan qabul qilinadi.

Nurafshon shahar

YUXKM bosh yuristkonsulti

Sh.O.Qoʻziyev