Янгиликлар

Bir necha kreditor yoki bir necha qarzdor ishtirok etadigan majburiyatni bajarish qanday tartibda amalga oshiriladi?

Savol:

Bir necha kreditor yoki bir necha qarzdor ishtirok etadigan majburiyatni bajarish qanday tartibda amalga oshiriladi?

Javob:

O‘zbekiston Respublikasining Fuqarolik kodeksi 251-moddasida bir necha kreditor yoki bir necha qarzdor ishtirok etadigan majburiyatni bajarish belgilab qo‘yilgan. Unga ko‘ra: agar ulushli majburiyatda bir necha kreditor yoki bir necha qarzdor ishtirok etsa, basharti qonundan yoki shartnomadan boshqacha tartib anglashilmasa, u holda har bir kreditor majburiyatni boshqalar bilan teng ulushlarda bajarishni talab qilishga haqli, har bir qarzdor esa bu talabni bajarishi shart.

Qarzdorlar sherik bo‘lib majburiyat olganida kreditor hamma qarzdorlardan majburiyatni solidar bajarishni ham, ularning har biridan alohida-alohida bajarishni ham, shu bilan birga qarzni to‘la yoki uning bir qismini bajarishni ham talab qilishga haqli.

Solidar qarzdorlarning biridan to‘liq qanoatlanmagan kreditor ololmagan narsasini boshqa solidar qarzdorlardan talab qilish huquqiga ega.

Solidar qarzdorlar majburiyat to‘la bajarilgunicha burchli bo‘lib qolaveradilar.

Qarzdor solidar bo‘lib majburiyat olgan taqdirda boshqa qarzdorlarning kreditor bilan mazkur qarzdor qatnashmaydigan munosabatlariga asoslangan e’tirozlarni kreditorning talablariga qarshi qo‘yishga haqli emas.

Nurafshon shahar

adliya bo‘limi DXM mutaxassisi                                              S.Erkaboyev