Янгиликлар

Qishloq xo‘jaligida yerdan foydalanish samaradorligi oshiriladi

Qishloq xo‘jaligida yerdan foydalanish samaradorligi oshiriladi

Qishloq xo‘jaligida yer resurslaridan oqilona va samarali foydalanish, bo‘sh turgan yer uchastkalarini tezroq iqtisodiy oborotga kiritish, qishloq xo‘jaligi mahsulotlari ishlab chiqaruvchi xo‘jaliklar faoliyatini rag‘batlantirish maqsadida joriy yilning 28 mart kunida “Qishloq xo‘jaligida yerdan foydalanish samaradorligini oshirish va mahsulot yetishtirish hajmini ko‘paytirish bo‘yicha qo‘shimcha chora-tadbirlar to‘g‘risida”gi Prezident qarori qabul qilindi.

Mazkur qarorga ko‘ra, barcha turdagi qishloq xo‘jaligiga mo‘ljallangan yerlarni ijaraga berishda 2025 yil 11 martdan quyidagi tartiblar joriy etiladi:

-elektron onlayn auksion savdosini o‘tkazish to‘g‘risidagi xabarnomani e’lon qilish muddati 15 kundan 5 kunga, takroriy savdolarda – 5 kundan 1 kunga qisqartiriladi;

-takroriy savdolarda faqat bir nafar talabgordan ariza kelib tushgan taqdirda, unga ushbu savdoda e’lon qilingan narxda lotni ixtiyoriy sotib olish taklif etiladi;

-har takroriy savdoda lot narxi 10 foizdan bosqichma-bosqich boshlang‘ich narxning 20 foiziga tushganiga qadar pasaytiriladi.

Qarorga muvofiq, 2025 yil 1 apreldan auksion savdolarida yer uchastkasiga ijara huquqini olish uchun to‘lovlarni bo‘lib-bo‘lib to‘lash va to‘lov to‘liq to‘langanda chegirma berish tartibi bekor qilinadi, ushbu to‘lovlar 15 ish kuni ichida to‘liq to‘lanishi shartligi belgilandi.

2025–2026 yillarda auksion savdolariga chiqariladigan qishloq xo‘jaligiga mo‘ljallangan yerlar jami maydonining o‘rtacha 10–20 foizi chorva uchun ozuqa ekinlarini ekish sharti bilan savdoga chiqariladi.

Yer-qishloq xo‘jaligi mahsulotlarini yetishtirishda asosiy vosita hisoblanadi. Yerdpn samarali va oqilona foydalanish hozirgi va kelajak talab qilayotgan zarurat hisoblanadi.

Yangiyo‘l tumani adliya bo‘limi

Yuridik xizmat ko‘rsatish markazi

Bosh yuriskonsulti                                                N. Anarqulova